అంతర్జాతీయం
మరో డోక్లాం కానివ్వొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఫిబ్రవరి 9: గత కొన్నిరోజులుగా మాల్దీవుల సంక్షోభంపై వరుస ప్రకటనలు గుప్పిస్తున్న చైనా, తాజాగా భారత్‌ను ఉద్దేశించి మాట్లాడుతూ మరో మెలిక పెట్టింది. మాల్దీవుల్లో సైనిక జోక్యం చేసుకోవాలని, అక్కడి పరిస్థితిని అదుపు చేయాలని భారత్‌పై డిమాండ్లు పెరుగుతున్న నేపథ్యంలో మాట్లాడిన చైనా ‘ఈ సమస్యను మరో డోక్లాంలా మార్చొద్దు’ అని భారత్‌కు స్పష్టం చేసింది. అయితే, మాల్దీవుల సమస్యను ఏవిధంగా పరిష్కరించాలన్న దానిపై భారత్‌తో చర్చిస్తున్నామని స్పష్టం చేసింది. ఈ సమస్య సామరస్యపూర్వకంగా పరిష్కారం కావాలే తప్ప భారత్, చైనాల మధ్య మరో డోక్లాం మాదిరిగా పెచ్చరిల్లకూడదన్న అభిప్రాయాన్ని వ్యక్తం చేసింది. ఏక్షణంలోనైనా భారత్ ప్రత్యేక దళాలు మాల్దీవుల్లోకి ప్రవేశించే అవకాశం ఉందన్న కథనాల నేపథ్యంలో చైనా మరింత స్పష్టం గా తన వైఖరిని వ్యక్తం చేసింది. అన్య జోక్యం వల్ల మాల్దీవుల సమస్య మరింత ముదిరిపోతుందే తప్ప, పరిష్కారానికి అందదని తెలిపింది. ఇప్పటికే భారత్- చైనాల మధ్య అనేక కీలక సమస్యలు కొరకరాని కొయ్యలుగా మారుతున్నాయి. ఇటీవలి కాలంలో డోక్లాం వ్యవహారం దాదాపుగా సైనిక ఘర్షణల వరకూ వెళ్లింది. అలాగే పాకిస్తాన్ కేంద్రంగా పని చేస్తున్న ఉగ్రవాదులను అంతర్జాతీయ ఉగ్రవాదులుగా ప్రకటించే విషయంలోనూ చైనా అడ్డుకోవడం కూడా వివాదంగా మారింది. ఈ పరిస్థితుల్లో మాల్దీవుల పేరుతో మరో సమస్య పుట్టుకురావడం ఎంతమాత్రం అభిలషణీయం కాదని చైనా అధికార వర్గాలు తెలిపాయి. ఇప్పటికే మాల్దీవుల సమస్యపై అమెరికా అధ్యక్షుడు డోనాల్డ్ ట్రంప్‌తో భారత్ ప్రధాని నరేంద్ర మోదీ మాట్లాడారు. ఈ నేపథ్యంలో ఎక్కడ భారత్ జోక్యానికి ఆస్కారం ఏర్పడుతుందోనన్న ఆందోళన చైనాలో మొదలైంది. ఒక్క భారతదేశమే కాదు, ఏ ఇతర దేశమూ కూడా మాల్దీవుల వ్యవహారంలో వేలు పెట్టకూడదని, అంతర్గత ప్రయత్నాల ద్వారానే ఆ సమస్య పరిష్కారానికి దోహ దం చేయాలని చైనా విదేశాంత మంత్రిత్వ శాఖ ప్రతినిధి షువాంగ్ స్పష్టం చేశారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.