సాహితి
కలల సాకారం కోసం...
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 12 June 2016
- కె.విల్సన్రావు, 8985435515
నేనొక జీవ నదిని
కనాలని కలగంటున్నాను...
నేల నలుచెరగులా కలియ తిరిగి
జీవితాన్ని ఎప్పుడూ
తడితడిగా వుంచే సెలయేరుని
కనాలని కలగంటున్నాను
ధర్మాన్ని బహిరంగ పరిచి
మానవ మతాన్ని నిర్మించే
ఒక ఏలికను,
నిష్కల్మషమైన మహావీరుల్ని
కనాలని కలగంటున్నాను
జీవితం రణరంగమైనపుడు
కష్టాలు మారువేషాలతో
నన్ను వేధిస్తున్నపుడు
కలల్ని సాకారం చేసుకునేందుకు
ఎన్ని నెత్తిటి దినాలనైన ఖర్చుచేసుకునే
మహామనీషిని కనాలని
కలగంటున్నాను
నవ్వుతూ నవ్వుతూ రక్తతర్పణం చేసి
లోకానికొక నమ్మకాన్ని వాగ్దానం చేసి
బతుకుమీద ఆశల్ని రగిలించి
సుప్రభాత గీతమై
గుబులు కుంపట్లను తరిమేసే
మానవతావాదిని
కనాలని కలగంటున్నాను
స్వర్గాన్ని కలగంటున్నాను
సకల జనుల కళ్ళల్లో
తొలి చెలిమ పువ్వు చిగురించటాన్ని కలగంటున్నాను.