సాహితి
ఏనుకున్న మొక్క
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 4 September 2016
- వేముగంటి మురళీకృష్ణ 9676598465
మబ్బులు ముసురు సితారా
సంగీతం వెదజల్లుతున్నప్పుడు
నాలో ఒక ఊహ ఏమనుకుంటున్నది
కాలు భూమిమీద మోపకముందే
తడితడయిన చెల్కమించి
పిట్టపాట
మనసును పదును చేసి పోయింది
రోజుల తరబడి ముడుచుకున్న ఆశ
మూటలోనుంచి విప్పుకుంటున్నది
తుంపర తుంపర నడుమ గొర్రుగొడుతున్న
దాపటి ఎద్దు కండ్లల్లనుంచి
కరువు జారిపోతున్నది
ఊరు వానముసురు కప్పుకొని
పచ్చదనం కలగంటున్నట్టున్నది
కాల్వలు గట్టిన సంతోషం
చింత చెట్టుకు కట్టిన ఉయ్యాలై ఊగుతున్నది
చెరువు మించి చిలుకల గుంపు ఎగురుతూ
కాలానికి సలాం చెపుతున్నయ్
వడికిన దూదిలాంటి మనిషి
వానల తడిసిముద్దై ఇంట్ల కొత్తవెట్టుకుంటున్నడు