చిన్న అమ్మాయి

నువ్వు దూర తీరాలకు తరలిపోతున్నావని
రోజంతా నా గుండె భారంగా ఉంది.
కన్నవారికి దూరంగా కనె్నపిల్ల పెళ్ళంటే,
నదిలోకి ఒక చిన్న నావను వదిలినట్టే
నీ తల్లి గతించే నాటికి నువ్వు చిన్నదానవు
అందువలన నువ్వు నా గారాలపట్టివైనావు
నిన్ను ఇంత దానిని చేసింది నీ పెద్దక్క,
ఇప్పుడు విలపిస్తున్నారిద్దరూ ఒకరినొకరు విడువలేక
ఇది నా శోకాన్ని ఘనీభవింప చేస్తూంది
కాని నువ్వు వెళ్ళడమే మంచిది
చిన్నప్పటినుండీ నీకు మంచి చెడు
చెప్పేందుకు అమ్మ లేదు,
నీ అత్తగారిని నీవు ఎలా గౌరవిస్తావో?
చాలా మంచి కుటుంబం,
నిన్ను బాగా చూసుకుంటారు...
నీ తప్పులన్నీ వాళ్ళు క్షమిస్తారు.
నిర్మలమైన నిరుపేద కుటుంబం మనది.
వారికి పెద్ద కట్నం తేలేవు నువ్వు.
ఒక స్ర్తిలా మంచిగా మర్యాదగా మసులుకో,
నీ పలుకు నీ పోకడ మంచివారి నుండి గ్రహించు,
ఈ వేకువ తరువాత మనం విడిపోతాం,
అది ఎంత వరకో తెలియదు
చిన్న అమ్మాయి వైపు నేను తిరిగి చూసినప్పుడు,
ఆమె చెంపల మీదగా జాలువారుతూ కన్నీళ్లు.
(ప్రాచీన చీనా కవి వై యింగ్ వ్యూ కవితకు అనువాదం)