సాహితి
భయం
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 17 April 2016
- ఏనుగు నరసింహారెడ్డి 8978869183
దానికొక రూపం ఉంటుందని
భ్రమలో ఉండే వాళ్ళం
మారణఆయుధం ఎదురైనప్పుడు
క్రూర మృగం మోరలెత్తినపుడు
అంతులేని అగాధం అంచున
దిక్కుతోచక దిగాలుపడినప్పుడు
చీకటి చిందులేసినప్పుడు
స్వార్థం బుసలుకొట్టినప్పుడు
భయం గుప్పిట్లో బందీలమని
భ్రమపడే వాళ్ళం
దొరతనపు స్వభావం లాగ
శతృవుల రూపంలాగ
కనిపించని వేదనలాగ
భయం కూడా
అదృశ్యం
ఒక వార్తలానో
సంచారవాణిలోనో
సంక్షిప్త సమాచారంగానో
ఈ సందేశ రూపంతోనో
భయం భూతం రావొచ్చు
చేయని తప్పులకు
రాయని రాతలకు
ఊహించని లోతులకు
దిగి
నీ గుండెల్లో
గునపాన్ని దించవచ్చు
పరిహాసపు ప్రశ్నలానో
వంకర విచారణగానో
అడిగీ అడగనట్లు
ఇంకెవర్నో విచారించినట్లు
నీ ముందు భయం తిరగాడుతుంది
భయం మహా మాయావి
దానికి రూపం లేదు