రాష్ట్రీయం
రేషన్ డీలర్లకు జీతాలు
S ,7 à 8 RSCA (si SASPAS) et 6 cialis pharmacie cialis rapports de stage.
సబ్సిడీలు భారమైనా భరిస్తాం * పౌరసరఫరాల సంస్థ చైర్మన్ లింగారెడ్డి
రాజమండ్రి, డిసెంబర్ 31: ప్రజా పంపిణీ వ్యవస్థలో కీలకంగా వ్యవహరిస్తున్న రేషన్‌డీలర్లకు జీతాలు చెల్లించే అంశాన్ని ప్రభుత్వం పరిశీలిస్తోందని పౌరసరఫరాల సంస్థ చైర్మన్ ఎం.లింగారెడ్డి వెల్లడించారు. డీలర్ల రేషన్‌కార్డుల సంఖ్యలో హెచ్చుతగ్గులు, ఇతర అంశాలను పరిగణనలోకి తీసుకుని జీతాలు చెల్లించే అంశాన్ని నిర్ణయిస్తామన్నారు. గురువారం తూర్పుగోదావరి జిల్లా రాజమండ్రిలో ఆర్ అండ్ బి అతిథి గృహంలో జిల్లాలో మిల్లర్స్ అసోసియేషన్ ప్రతినిధులు, రేషన్‌డీలర్ల సంఘం నాయకులు, పౌరసరఫరాల శాఖ అధికారులతో సమీక్షా సమావేశాన్ని నిర్వహించారు. అలాగే అంతకు ముందు విలేఖర్లతో మాట్లాడారు. ఈ సందర్భంగా లింగారెడ్డి మాట్లాడుతూ పౌరసరఫరాల శాఖ ప్రవేశపెట్టిన ఈ పాస్ విధానం వల్ల 96శాతం నిత్యావసరాలు ప్రజలకు పంపిణీ అవుతున్నాయన్నారు. ఈపాస్ విధానం వల్ల ఏటా రూ.1000కోట్ల విలువైన నిత్యావసరాలు ఆదా అవుతున్నాయన్నారు. ఈ విధానం వల్ల ప్రజాపంపిణీ వ్యవస్థలో రాష్ట్రం దేశంలోనే తొలిస్థానంలో నిలిచి ప్రధాని నరేంద్రమోదీ ప్రశంసలు పొందిందన్నారు. సబ్సిడీ పథకాలు భారమైన భరించేందుకు ప్రభుత్వం సిద్ధంగా ఉందన్నారు. రాష్టవ్య్రాప్తంగా 14లక్షల కొత్తరేషన్‌కార్డులను మంజూరు చేశామన్నారు. ప్రస్తుతం జిల్లాలో 14.90లక్షల రేషన్‌కార్డులు ఉన్నాయని, జన్మభూమి గ్రామసభల్లో కొత్తగా లక్ష 37వేల కార్డులను పంపిణీ చేస్తామన్నారు. మొత్తం లక్ష 93వేల దరఖాస్తుదారులను రేషన్‌కార్డులకు అర్హులుగా గుర్తించామని, మిగిలిన 60వేల మందికి జనవరి నెలలో జారీ చేస్తామన్నారు. ఎఫ్‌సిఐ ధాన్యం సేకరణ బాధ్యతల నుంచి తప్పుకోవడం వల్ల భారమైనా పౌరసరఫరాల శాఖ ఆ బాధ్యతను స్వీకరించిందన్నారు. ఈ సీజన్‌లో 5.90లక్షల మెట్రిక్ టన్నుల ధాన్యాన్ని సేకరించామని, 3.10లక్షల మెట్రిక్ టన్నుల ధాన్యాన్ని కస్టమ్ మిల్లింగ్ చేయించి, బియ్యాన్ని ప్రజాపంపిణీ వ్యవస్థ ద్వారా పంపిణీ చేసేందుకు చర్యలు తీసుకున్నామని వివరించారు. సేకరించిన ధాన్యానికి గాను రైతులకు కనీస మద్దతు ధరతో రూ.600కోట్ల చెల్లించామన్నారు. ప్రభుత్వం నిధులు, స్థలాన్ని కేటాయిస్తే రాజమండ్రిలో పౌరసరఫరాల శాఖ గోదామును నిర్మించేందుకు సిద్ధంగా ఉన్నామని చెప్పారు. ఈ అంశంపై రూరల్ ఎమ్మెల్యే గోరంట్ల బుచ్చయ్యచౌదరితో చర్చించామన్నారు. ప్రయోగాత్మకంగా సబ్సిడీ ధరలతో అన్న ఎన్టీఆర్ క్యాంటీన్లను త్వరలో ప్రారంభిస్తామని, అవి విజయవంతమైతే రాష్టవ్య్రాప్తంగా వాటిని ప్రారంభిస్తామని చెప్పారు. జిల్లాలో 2.20లక్షల కొత్త గ్యాస్‌కనెక్షన్లు జారీ చేస్తామని వెల్లడించారు. జిల్లా రైసుమిల్లర్ల సంఘం అధ్యక్షుడు అంబటి రామకృష్ణారెడ్డి మాట్లాడుతూ మిల్లింగ్ చార్జీలను పెంచాలని, ధాన్యం సేకరణకు రూ. 50లక్షల బ్యాంకు గ్యారంటీని కోటి వరకు పెంచాలని కోరారు. ఈ సమావేశంలో జాయింట్ కలెక్టర్ ఎస్ సత్యనారాయణ, డిఎస్‌ఓ జి ఉమామహేశ్వరరావు, పౌరసరఫరాల శాఖ జిల్లా మేనేజర్ ఎ కృష్ణారావు, ఇతర అధికారులు పాల్గొన్నారు. అంతకు ముందు లింగారెడ్డి రాజమండ్రిలోని గిడ్డంగుల సంస్థను, మండల సప్లై పాయింట్‌ను తనిఖీ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.