సంజీవని
గుంఢెకు గండం డయాబెటిస్
S ,7 à 8 RSCA (si SASPAS) et 6 cialis pharmacie cialis rapports de stage.
డయాబెటిస్ ఎక్కువగా ఉండడంవల్ల వచ్చే గుండె జబ్బుల్ని ‘డయాబెటిక్ హార్ట్ డిసీజెస్’ అంటారు. వీటిలో కరొనరి హార్ట్ డిసీజ్, హార్ట్ ఫెయిల్యూర్, డయాబెటిక్ కార్డియోమయోపతి ముఖ్యమైనవి. డయాబెటిస్ టైప్ 1, టైప్ 2 రెండు విధాలుగా బాధపడుతున్నవాళ్ళకీ డయాబెటిస్ హార్ట్ డిసీజెస్ రావచ్చు. బ్లడ్ సుగర్ స్థాయి ఎంత ఎక్కువగా ఉంటే ఈ గుండె జబ్బులు వచ్చే అవకాశం అంత ఎక్కువ.
ధూమపానం, అధిక రక్తపోటు, అధిక బ్లడ్ కొలెస్ట్రాల్ లాగానే డయాబెటిస్ కూడా గుండెకి ప్రమాదం. టైప్ 2 డయాబెటిస్‌తో బాధపడేవాళ్ళలో గుండెకి రక్తం సరఫరా చేసే కరొనరి ఆర్టెరిస్ గోడల లోపలి భాగంలో కొవ్వు పేరుకుపోయి, గుండెకి రక్తసరఫరా తగ్గుతుంది. క్రమంగా రక్తనాళాలు పూడుకుపోవచ్చు కూడా. అడ్డంకులవల్ల గుండెకి రక్తప్రసరణ సరిగ్గా లేక హార్ట్‌ఎటాక్ రావచ్చు.
రక్తనాళాలలో పేరుకుపోయే అడ్డంకులలో కొవ్వు, కొలెస్ట్రాల్, కాల్షియంతోబాటు రక్తంలోని మరికొన్ని పదార్థాలు ఉంటాయి. ఇలా అడ్డంకులేర్పడడాన్ని ఎథిరోస్ల్కీరోసిస్ అంటారు.
కరొనరి, హార్ట్ డిసీజ్‌వల్ల ఛాతిలో నొప్పి లేక అసౌకర్యం కలుగుతుంది. దీనిని ఎంజైనా అంటారు. గుండె పద్ధతి ప్రకారం కాక ఇష్టం వచ్చినట్లు కొట్టుకోవడం, హార్ట్ ఎటాక్ లాంటివి వచ్చి మరణం సంభవించవచ్చు.
అడ్డంకులవల్ల గుండెకి రక్తసరఫరా తగ్గి ఆక్సిజన్, ఆహారం సరిగా అందక ముందు గుండె కండరాలు దెబ్బతింటాయి. దాంతో గుండె ముడుచుకుని కావలసినంత రక్తాన్ని శరీరావయవాలలోకి నెట్టలేకపోతుంది. హార్ట్ ఫెయిల్యూర్ కలగవచ్చు.
హార్ట్ ఫెయిల్యూర్ అంటే గుండె ఆగిపోవడం కాదు. గుండె నీరసించి కావలసినంత రక్తాన్ని శరీర భాగాలలోకి నెట్టలేకపోతుంది. హార్ట్ ఫెయిల్యూర్‌లో త్వరగా అలసిపోతారు. అప్పుడు చేసే పనుల్ని తగ్గించుకోవలసి వస్తుంది. ఇదీ ప్రాణాంతక పరిస్థితి. దీనికి ఎథిరోస్క్లీరోసిస్ కారణం.
గుండె నిర్మాణం, పని తీరు కూడా దెబ్బతింటుంది ‘డయాబెటిక్ కార్డియో మయోపతి’తో. దీనితో హార్ట్ ఫెయిల్యూర్ ఎరిథ్మియా.. గుండె క్రమ పద్ధతిని వీడి కొట్టుకోవడం డయాబెటిస్‌వల్ల జరుగుతుంటాయి.
డయాబెటిస్ అధిక బరువు, ఊబకాయం, మెటబాలిక్ సిండ్రోమ్‌లాంటి రిస్క్ ఫాక్టర్‌లతో కలిస్తే గుండెకి మరింత చేటు.
కాబట్టి డయాబెటిస్ ఉంటే డయాబెటిక్ హార్ట్ డిసీజెస్ రాకుండా జాగ్రత్తలు తీసుకుంటుండాలి. జీవన విధానాన్ని మార్చుకుని రిస్క్ ఫాక్టర్స్ తగ్గేలా చూసుకోవాలి. వ్యాయామం చేసి అధిక రక్తపోటుని తగ్గించుకోవాలి. బరువుని, ఒత్తిడిని తగ్గించుకుంటూ డయాబెటిస్‌ని అదుపులో ఉంచుకోవాలి. డయాబెటిక్ హార్ట్ డిసీజెస్ రాకుండా జాగ్రత్తపడుతుండాలి. ఒకవేళ డయాబెటిక్ హార్ట్ డిసీజెస్ ఇప్పటికే ఉంటే సకాలంలో సరైన వైద్యాన్ని తీసుకుంటూ హార్ట్ ఎటాక్, హార్ట్ ఫెయిల్యూర్ లాంటివి జబ్బుల బారిన పడకుండా జాగ్రత్తలు తీసుకుంటుండాలి.
*
Related Articles
సెప్టేట్ యుటిరస్ వుంటే హిస్టిరోస్కోపీ ద్వారా సరిచెయ్యవచ్చు. పుట్టుకతో వచ్చే గర్భాశయ నిర్మాణ లోపాలలో కొన్నిటిని సరిచెయ్యలేము. సర్విక్స్ వదులుగా ఉంటే గర్భం వచ్చాక బిగుతుగా చెయ్యడానికి కుట్లు వెయ్యొచ్చు. క్రోమోజోన్స్ జెనెటిక్ కారణాలు ఉంటే సాధారణ చికిత్సకు అవకాశం లేదు.
ప్రతి ఇద్దరు స్ర్తిలలో ఒకరికి ఒక గర్భస్రావమవడం సాధారణం. యధాలాపంగా, కోరుకోనప్పుడు వచ్చిన గర్భాన్ని కోల్పోయినపుడు అంత విచారపడరేమో కాని కోరుకున్నప్పుడు వచ్చిన గర్భం పోతే ఒక్కసారి అయినా తల్లి, కుటుంబ సభ్యులు బాధపడతారు.
ప్ర: నేను సాఫ్ట్‌వేర్ ఉద్యోగం చేస్తున్నాను. కొంతకాలంగా కాలు నొప్పితో బాధపడుతున్నాను. కాలు వెంబడి నొప్పి, తిమ్మిరి ఉంటుంది. నడిచినా, కదిలినా నొప్పి తీవ్రత పెరుగుతుంది. కూర్చున్నప్పుడు నొప్పి తగ్గిపోవటం జరుగుతోంది. నొప్పి కాలు వ్రేళ్ళ వరకు వ్యాపించి ఉండి, రాత్రివేళల్లో అధికంగా ఉంటుంది.
మనకు కొన్ని బ్రహ్మ పదార్థాలున్నాయి. వాటిల్లో కొన్ని విశ్వామిత్ర సృష్టి అనదగినవి కూడా ఉన్నాయి. నేతి బీరకాయల్లోనే కాదు సాక్షాత్తు నెయ్యిలో కూడా నెయ్యి లేనపుడు అది బ్రహ్మ పదార్థమే అవుతుంది.