రాష్ట్రీయం
ఇస్రో రెడీ
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, జనవరి 16: భారత అంతరిక్ష ప్రయోగ కేంద్రమైన ఇస్రో ఈ ఏడాది అంతరిక్ష ప్రయోగాల్లో జీశాట్- 30తో బోణీ కొట్టేందుకు సిద్ధమైంది. దేశ ఇంటర్నెట్ రంగంలో విప్లవాత్మక మార్పులు తీసుకొచ్చే అత్యాధునిక జీశాట్ 30 ఉపగ్రహాన్ని ప్రయోగించనుంది. దక్షిణ అమెరికా ఫ్రెంచ్‌గయానాలోని యూరోపియన్ స్పేస్ పోర్ట్ నుండి ఆ దేశానికి చెందిన ఏరియన్-5 రాకెట్ ద్వారా దీనిని కక్ష్యలోకి ప్రవేశపెట్టనున్నారు. భారత కాలమానం ప్రకారం 17వ తేదీ తెల్లవారుఝామున 2.35 గంటలకు జీశాట్-30తో ఈ రాకెట్ నింగిలోకి దూసుకెళ్లనుంది. స్పేస్ పోర్ట్‌లోని మూడవ ఏరియన్ లాంచ్ కాంప్లెక్స్ నుండి ఈ ప్రయోగం జరుగనుందని ఇస్రో వెల్లడించింది. ప్రయోగ సన్నాహాల్లో భాగంగా యురోపియన్ స్పేస్‌పోర్ట్ శాస్తవ్రేత్తలు లాంచ్ రెడీనెస్ రివ్యూ సమావేశాన్ని నిర్వహించారు. ఇందులో భాగంగా గురువారం మధ్యాహ్నం 3.12 గంటలకు కౌంట్‌డౌన్ ప్రారంభించారు. ఇస్రోకు చెందిన శాస్తవ్రేత్తల బృందం ఫ్రెంచ్‌గయానాకు చేరుకొని వాహననౌకలో జీశాట్-30 ఉపగ్రహాన్ని అనుసంధానం చేస్తున్నారు. ఈ ఉపగ్రహం బరువు 3357 కిలోలు. ఇది కమ్యూనికేషన్ ఉపగ్రహం. దీని ద్వారా టెలివిజన్, టెలీకమ్యూనికేషన్, బ్రాడ్‌కాస్టింగ్‌కు సంబంధించి మెరుగైన సేవ లు అందుబాటులోకి రానున్నాయి. ఇది జియోస్టేషనరీ ఆర్బి ట్ నుండి టికెయు బ్రాండ్‌లో కమ్యూనికేషన్ సేవలను అందిస్తుంది. దీనిని ఐ-జికెఫ్టాష్‌ఫామ్‌లో తయారుచేశారు. ఇన్‌శాట్-4 ఏకు ప్రత్యామ్నాయంగా జీశాట్- 30 పనిచేయనుం ది. భారత్‌తో పాటు అనుబంధ దేశాలకు ఈ శాటిలైట్ ద్వారా కెయు బ్రాండ్‌లో సిగ్నల్‌ను అందించనుండగా గల్ఫ్ దేశాలకు సి బ్రాండ్ ద్వారా కవరేజీ ఇవ్వనున్నారు. ఆసియాలోని కొన్ని దేశాలతో పాటు ఆస్ట్రేలియాకు కూడా సేవలందిస్తారు.
''చిత్రాలు.. ప్రయోగ వేదికపై సిద్ధంగా ఉన్న రాకెట్
*అంతరిక్షంలోకి పంపనున్న జీశాట్ శాటిలైట్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.