రాష్ట్రీయం
తిరుమలలో వేసవి ఏర్పాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి: రానున్న వేసవిలో గతంలో కన్నా మూడు నుంచి నాలుగు శాతం మంది భక్తులు అధికంగా వచ్చే అవకాశం ఉందని అంచనావేసి అందుకు తగిన విధంగా దర్శన, వసతి, ప్రసాదాల తయారీపై ప్రత్యేక దృష్టి పెడుతున్నామని, వేసవి ఉష్ణతాపంతో భక్తులకు అసౌకర్యం కలగకుండా ప్రత్యేక ఏర్పాట్లు చేస్తున్నామని టీటీడీ అదనపు ఈఓ ధర్మారెడ్డి తెలిపారు. వేసవిలో భక్తులకు కల్పించాల్సిన సౌకర్యాలపై తిరుమల అన్నమయ్య భవన్‌లో మంగళవారం సీనియర్ అధికారులతో ప్రత్యేక సమీక్షా సమావేశం నిర్వహించారు. భక్తులకు అవసరమైన రవాణా, వసతి, దర్శనం, ప్రసాదం, తాగునీటి సరఫరా, అల్పాహార, అన్నప్రసాదాల పంపిణీ, భద్రతతో పాటు భక్తులు తలనీలాలు సమర్పించడానికి తగిన ఏర్పాట్లపై ఆయన సుదీర్ఘంగా అధికారులతో చర్చించారు. అనంతరం ఆయన విలేఖరులతో మాట్లాడుతూ శ్రీవారిని దర్శించుకునే భక్తులు తిరుమలలో ఆలయ నాలుగు మాడవీధుల్లో కాకుండా స్వామివారి దర్శనానికి వెళ్లే ప్రాంతాల్లో పాదరక్షలు ధరించకుండా వెళతారన్నారు. ఈ క్రమంలో వారికి ఎండవేడి తాపం తగలకుండా వారానికి ఒక మారు ఆ ప్రాంతాల్లో వైట్ కూల్ పెయింట్‌ను వేయడం ద్వారా వారికి కొంత ఉపశమనం కల్పించే చర్యలు చేపడుతున్నామన్నారు. భక్తుల రద్దీ అధికంగా ఉండే ప్రాంతంతోపాటు రెండు శ్రీవారి సేవాసదన్‌లు, అక్కగార్ల గుడి, మొదటి ఘాట్‌రోడ్‌లో కూడా ఈ వైట్ కూల్ పెయింట్ వేస్తామన్నారు. శ్రీవారి ఆలయం ముంధు వైకుంఠం కాంప్లెక్స్, భక్తులు అధికంగా ఉండే రద్దీప్రాంతాల్లో తాత్కాలిక షెడ్ ఏర్పాటుచేస్తున్నామన్నారు. తలనీలాలు సమర్పించే భక్తులకు అసౌకర్యం కలగకుండా మే, జూన్ మాసాల్లో క్షురకులకు సెలవులు ఇవ్వకుండా మూడు షిప్టులూ పనిచేసేలా చర్యలు చేపడుతున్నామన్నారు. ప్లాస్టిక్ వాటర్‌బాటిళ్ల నిషేధం ఉండటంతో రాగి బాటిళ్లు, స్టీల్ బాటిళ్లను, టప్పర్‌వేర్ బాటిళ్లను తమవెంట తెచ్చుకోవాలని కోరారు. కరోనా వైరస్ నివారణకు రద్దీ ప్రాంతాల్లో ప్రతి రెండు గంటలకు ఓసారి రోగనివారణ మందులతో పరిశుభ్రం చేస్తారు. అలిపిరి, శ్రీవారి మెట్టు నడక మార్గాల్లో ప్రత్యేక బృందాలు ఏర్పాటుచేస్తామన్నారు. భక్తులు జ్వరం, దగ్గు, జలుబుతో బాధపడుతున్నపుడు వారికి ధర్మల్‌గన్‌లతో వైరస్ బాధితులను గుర్తించేందుకు వీలుగా అవసరమైన వైద్యపరికరాలను అందుబాటులో ఉంచుతున్నట్లు తెలిపారు. జలుబు, దగ్గు, జ్వరంతో ఉన్నవారు దయచేసి తగ్గిన తరువాత తిరుమలకు రావాలని విజ్ఞప్తిచేశారు. ఆలయ డిప్యూటీ ఈఓ హరీంద్రనాథ్, డిప్యూటీ ఈఓలు దామోదరం, బాలాజీ, సెల్వం, నాగరాజు, ఎస్‌ఇ-2 నాగేశ్వరరావు, ఆరోగ్యశాఖాధికారి ఆర్‌ఆర్ రెడ్డి, వీఎస్‌ఓ మనోహర్ పాల్గొన్నారు.
*చిత్రం...వేసవి ఏర్పాట్లపై ఉన్నతాధికారులతో సమీక్షిస్తున్న టీటీడీ అదనపు ఈఓ ధర్మారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.