రాష్ట్రీయం
నేటి నుంచి ఫ్లెమింగో ఫెస్టివల్
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, జనవరి 2: ప్రతి ఏడాదిలానే ఈ ఏడాది కూడా నెల్లూరు జిల్లాలో ఫ్లెమింగో ఫెస్టివల్ సందడి ప్రారంభమైంది. విదేశీ విహంగాల విడిది కేంద్రమైన నెల్లూరు జిల్లా సూళ్లూరుపేట సమీపంలోని నేలపట్టులో శుక్రవారం నుండి మూడు రోజుల పాటు ఫ్లెమింగో ఫెస్టివల్ నిర్వహించనున్నారు. ఫెస్టివల్‌లో భాగంగా సూళ్లూరుపేటలో ఘనంగా ఉత్సవాలను నిర్వహించేందుకు అధికారులు ఏర్పాట్లు చేశారు. రాష్ట్ర అటవీ శాఖ మంత్రి బాలినేని శ్రీనివాసరెడ్డి శుక్రవారం ఉదయం ఈ ఫ్లెమింగో ఫెస్టివల్‌ను అధికారికంగా ప్రారంభిస్తున్నారు. గతంతో పోల్చుకుంటే
ఈ ఏడాది పులికాట్‌లో సమృద్ధిగా నీరుండడంతో పెద్ద సంఖ్యలో ఫ్లెమింగోలు తరలివచ్చాయి. ఇప్పటికే ఈ ప్రాంతం పర్యాటకులతో కళకళలాడుతోంది. సూళ్లూరుపేట-శ్రీహరికోట రహదారి పక్కన పులికాట్ సరస్సులో నీళ్లు పుష్కలంగా చేరడంతో ప్రస్తుతం ఫ్లెమింగోలు, పెలికాన్స్, పెయింటెడ్ స్టార్క్స్ పక్షులు గుంపులు గుంపులుగా ఆహారవేటలో సందడి చేస్తున్నాయి. సీగల్స్, చిలువలు, నీటి కాకులు, నారాయణ పక్షులతో పాటు వివిధ రకాలకు చెందిన కొంగ జాతులు విపరీతంగా విడిది చేసి ఉన్నాయి. ముఖ్యంగా గూడబాతుల సందడి అంతా ఇంతాకాదు. నెల్లూరు జిల్లాతో పాటు తమిళనాడు, కర్నాటక రాష్ట్రాల నుండి ఇక్కడకు పర్యాటకులు వచ్చే అవకాశమున్నందున అధికారులు పటిష్ట ఏర్పాట్లు చేశారు. మూడు రోజుల పాటు ఈ ఉత్సవాలు నిర్వహించనున్నారు. ప్రభుత్వ సంక్షేమ, అభివృద్ధి కార్యక్రమాల ప్రదర్శనతో వ్యవసాయ, అటవీ, ఉద్యాన, పశు సంవర్ధక శాఖలు ప్రత్యేక స్టాల్స్ ఏర్పాటు చేస్తున్నాయి. ప్రతి రోజు సాయంత్రం పలువురు సినీ కళాకారులచే ప్రత్యేక సాంస్కృతిక ప్రదర్శనలు ఏర్పాటు చేశారు.
'చిత్రం... పులికాట్ సరస్సులో విదేశీ పక్షుల సందడి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.