రాష్ట్రీయం
13 నుంచి మావుళ్లమ్మ సంక్రాంతి ఉత్సవాలు
S ,7 à 8 RSCA (si SASPAS) et 6 cialis pharmacie cialis rapports de stage.
భీమవరం, జనవరి 9: రాష్ట్రంలో ప్రసిద్ధిచెందిన శక్తి ఆలయాల్లో ఒకటైన పశ్చిమ గోదావరి జిల్లా భీమవరంలోని శ్రీ మావుళ్లమ్మ అమ్మవారి సంక్రాంతి ఉత్సవాలకు అన్ని ఏర్పాట్లు చేశారు. ఈ ఏడాది 56వ ఉత్సవాలు 13వ తేదీనుంచి ప్రారంభం కానున్నాయి. ఫిబ్రవరి 14వ తేదీ వరకు అంటే 33 రోజుల పాటు ఈ ఉత్సవాలు జరగనున్నాయి. నీరుల్లి కూరగాయ పండ్ల వర్తక సంఘం, అమ్మవారి ఉత్సవ కమిటీ, అమ్మవారి దేవస్థానం సంయుక్తంగా ఈ ఉత్సవాలు వైభవంగా నిర్వహించనున్నారు. భారీ వ్యయంతో ఈ ఉత్సవాలకు ఏర్పాట్లు చేశారు. 33 రోజుల పాటు జరిగే ఈ ఉత్సవాల్లో ప్రతీ రోజు కోలాట బృందం భజనలు, బుర్రకథలు జరుగుతాయి. 33 రోజుల్లో 24 నాటకాలను ఏర్పాటు చేశారు. అలాగే ప్రతీరోజు భరత నాట్యాలు, హరికథలు ఉంటాయి. రెండు తెలుగు రాష్ట్రాల్లో పేరొందిన మ్యూజిక్ ఆర్కెస్ట్రాలను ఏర్పాటు చేశారు. వీటిలో సినీ గాయకులు, గాయకురాలు పాల్గొని వారి గానంతో అలరింపచేస్తారు. అదే విధంగా సినీ ప్రముఖులను సన్మానించుకునే సాంప్రదాయం ఈ ఉత్సవాల్లో ఉంది. కొటికలపూడి గోవిందరావు కళావేదికపై ఈ సాంస్కృతిక కార్యక్రమాలతో పాటు సన్మానాలు చేయడం ఆనవాయితీగా వస్తోంది. నీరుల్లి కూరగాయ పండ్ల వర్తక సంఘం, ఉత్సవ కమిటీ సినీ నటి తులసికి ప్రముఖుల సమక్షంలో సువర్ణ కంఠాభరణంతో జనవరి 26వ తేదీన ఘన సన్మానం ఏర్పాటుచేశారు. ప్రముఖ సినీ నటుడు జెడి చక్రవర్తిని సువర్ణహస్తాకంకణంతో ఫిబ్రవరి 2వ తేదీన సన్మానించనున్నారు. ఫిబ్రవరి 14వ తేదీన లక్ష మందికి అఖండ అన్నసమారాధన చేయనున్నారు. అమ్మవారి ఉత్సవాలకు వివిధ రాష్ట్రాల నుంచే కాకుండా విదేశాల నుంచి భక్తులు వచ్చి అమ్మవారిని దర్శించుకుని మొక్కుబడులు తీర్చుకుంటారు. కోరిన కోర్కెలు తీర్చే కల్పవల్లిగా శ్రీ మావుళ్లమ్మ అమ్మవారిని భక్తులు కొలుస్తుంటారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.