రాష్ట్రీయం
శరవేగంగా ఏపి సచివాలయ నిర్మాణం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మార్చి 12: అనుకున్న సమయానికి ఏపి రాజధాని అమరావతిలో రాష్ట్ర ప్రభుత్వ సచివాలయ భవనాన్ని నిర్మించేందుకు ఎల్ అండ్ టి, షాపూర్జీ పల్లోంజీ సంస్థలు యుద్ధ ప్రాతిపదికన నిర్మాణ పనులు కొనసాగిస్తున్నాయి. గుంటూరు జిల్లా తుళ్లూరు మండలం వెలగపూడి గ్రామంలో సుమారు 45 ఎకరాల విస్తీర్ణంలో సెక్రటేరియట్‌ను నిర్మిస్తున్న సంగతి తెలిసిందే. సుమారు 6 లక్షల చదరపు గజాల విస్తీర్ణంతో సెక్రటేరియట్ జూన్ 15నాటికి సిద్ధం కాబోతోంది. ఆంధ్రప్రదేశ్ అసెంబ్లీ సమావేశాలు చివరిసారిగా ప్రస్తుతం ఉమ్మడి రాజధాని హైదరాబాద్‌లో జరుగుతున్నాయి. వచ్చే అసెంబ్లీ సమావేశాలు విజయవాడలోనే నిర్వహించనున్నారు. దీంతో అసెంబ్లీ సిబ్బంది అంతా త్వరలోనే ఇక్కడికి రావల్సి ఉంటుంది. తమకు వసతి సౌకర్యం కల్పిస్తే విజయవాడకు రావడానికి సిద్ధమని ఏపి ఎన్‌జిఓ సంఘాలు ఇప్పటికే ప్రకటించాయి.
జూన్ 15 తరువాత విజయవాడ నుంచే పూర్తిస్థాయిలో పాలన చేపడతామని ముఖ్యమంత్రి చంద్రబాబు నాయుడు ఇప్పటికే ప్రకటించారు. సుమారు 15వేల మందికి సరిపడా సెక్రటేరియట్ భవనాన్ని సిద్ధం చేస్తున్నారు. అలాగే ఇక్కడికి వచ్చే ఉద్యోగులకు వసతి కల్పించేందుకు కూడా ప్రభుత్వం ప్రత్యామ్నాయ మార్గాలను అనే్వషిస్తోంది. విజయవాడలో ఇళ్ల అద్దెలు భారీగా పెరిగిపోవడంతో ఉద్యోగులకు క్వార్టర్లు నిర్మించి ఇవ్వాలని ప్రభుత్వం ఆలోచన చేస్తున్నా ప్రస్తుతానికి అది సాధ్యపడడం లేదు. దీంతో కొత్తగా నిర్మిస్తున్న అపార్ట్‌మెంట్లను లీజుకు తీసుకోవాలని ప్రభుత్వం యోచిస్తోంది. ఇప్పటికే గుంటూరుకు సమీపంలోని రెయిన్ ట్రీ పార్క్‌లో 400 ఫ్లాట్లను ప్రభుత్వం లీజుకు తీసుకుంది. ఏదేమైనా ప్రభుత్వ కార్యకలాపాలు జూన్ నుంచి విజయవాడలో ఊపందుకోనున్నాయి. ** ముమ్మరంగా సాగుతున్న ఏపి సచివాలయ నిర్మాణ పనులు **
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.