జీవితకాలం నిషేధించాలి!

ఇస్టాంబుల్: మాదక ద్రవ్యాలను ఉపయోగించి, క్రీడాస్ఫూర్తికి విరుద్ధంగా ప్రవర్తించిన షరపోవాను జీవితకాలం నిషేధించాలని కెనడా టెన్నిస్ స్టార్ యూగెనీ బుచార్డ్ డిమాండ్ చేసింది. మెల్డోనియం అనే నిషిద్ధ ఉత్ప్రేరకాన్ని వాడినట్టు షరపోవా స్వయంగా అంగీకరించిన విషయాన్ని ఆమె గుర్తుచేస్తూ, ఇలాంటి చీటర్లకు మళ్లీ టెన్నిస్ ఆడే అవకాశం ఇవ్వకూడదని వ్యాఖ్యానించింది. క్రీడాస్ఫూర్తికి విరుద్ధంగా ప్రవర్తించిన షరపోవాను టెన్నిస్ నుంచి శాశ్వతంగా నిషేధించాలని, లేకపోతే, రాబోయే తరానికి తప్పుడు సంకేతాలు వెళతాయని హెచ్చరించింది.