రాష్ట్రీయం
హర్మన్‌ప్రీత్ సేనకు సిసలైన సవాల్
S ,7 à 8 RSCA (si SASPAS) et 6 cialis pharmacie cialis rapports de stage.
ప్రొవిడెన్స్ (గుయానా), నవంబర్ 16: హర్మన్‌ప్రీత్ కౌర్ నాయకత్వంలోని టీమిండియా మహిళల జట్టు ఇపుడు అతి పెద్ద చాలెంజ్‌ను ఎదుర్కోనుంది. ఐసీసీ మహిళల వరల్డ్ టీ-20 చాంపియన్‌షిప్ దిశగా దూసుకుపోయేందుకు శనివారం ఆస్ట్రేలియాతో ఇదే వేదికపై భారత్ బిగ్ ఫైట్‌కు సిద్ధమవుతోంది. ఇప్పటికే ఈ రెండు జట్లు మూడు దశల్లో జరిగిన పోటీల్లో ఒక్క మ్యాచ్‌లోనూ ఓటమిని ఎదుర్కోకుండా ప్రత్యర్థులను మట్టకరిపించి సెమీఫైనల్స్‌లో బెర్త్‌లను ఖాయం చేసుకున్నాయి. టీ-20లో చివరి లీగ్ మ్యాచ్ ఇరు జట్లకు అత్యంత ప్రతిష్టాత్మకం కావడంతో పోటీ నువ్వానేనా అన్న రీతిలో సాగే అవకాశం ఉంది. ఇదే ఉత్సాహం, ఊపుతో ఉన్న భారత్, ఆసిస్ కదనోత్సాహంతో ముందుకు సాగుతున్నాయి.
భారత కెప్టెన్ హర్మన్‌ప్రీత్ కౌర్ తొలి టీ-20లో న్యూజిలాండ్‌పై సెంచరీ నమోదు చేయగా, సీనియర్ క్రీడాకారిణి మిథాలీ రాజ్ తన శక్తియుక్తులన్నింటినీ ప్రదర్శించి రెండు మ్యాచ్‌లలో జట్టు గెలుపునకు అవసరమైన అర్ధ సెంచరీలు నమోదు చేసి కీలకంగా మారింది. భారత్ తన మూడో మ్యాచ్‌లో ఐర్లాండ్‌ను 52 పరుగులతో ఓడించి సెమీఫైనల్స్‌లో చోటు దక్కించుకుంది. న్యూజిలాండ్, పాకిస్తాన్ జట్లు టోర్నమెంట్‌లో నాకౌట్‌కు చేరుకోని నేపథ్యంలో ఇపుడు బలమైన జట్లుగా భారత్, ఆస్ట్రేలియా బరిలో పోరాడనున్నాయి. ఆసిస్ తన తొలి మ్యాచ్‌లో పాకిస్తాన్‌పై 52 పరుగులతో విజయం సాధించగా, రెండో మ్యాచ్‌లో ఐర్లాండ్‌ను 9 వికెట్ల తేడాతో మట్టికరిపించింది. ఆ తర్వాత జరిగిన మూడో మ్యాచ్‌లో న్యూజిలాండ్‌ను 33 పరుగుల తేడాతో ఓడించింది. కెప్టెన్ మెగ్ లాన్నింగ్, వికెట్ కీపర్ అలైసా హీలే వంటివారు అద్భుత ఆటతీరుతో జట్టును విజయపథంలోకి తీసుకెళ్లే సత్తా ఉన్నవారు కావడంతో వారికి మిగిలినవారు చేయూత అందిస్తుండడంతో గెలుపుపై గట్టి నమ్మకంతో ఉంది.
కోహ్లీ, రోహిత్‌ను అధిగమించిన మిథాలీ
భారత మహిళా క్రికెట్ సభ్యురాలు, సీనియర్ క్రీడాకారిణి మిథాలీరాజ్ టీ-20 ఇంటర్నేషనల్ మ్యాచ్‌లలో అత్యధిక పరుగులు చేయడంలో టీమిండియా కెప్టెన్ విరాట్ కోహ్లీ, పరిమిత ఓవర్ల కెప్టెన్ రోహిత్ శర్మను అధిగమించింది. భారత్‌లో మహిళలు, పురుషుల జట్లలో ఏ క్రికెటర్ సాధించని ఘనతను మిథాలీ సొంతం చేసుకుంది. ప్రొవిడెన్స్ (గుయానా)లో జరుగుతున్న ఐసీసీ మహిళల వరల్డ్ టీ-20లో భాగంగా శుక్రవారం ఐర్లాండ్‌తో జరిగిన మ్యాచ్‌లో మిథాలీ 52 పరుగులు చేసింది. టీ-20ల్లో రోహిత్ శర్మ (2207), విరాట్ కోహ్లీ (2102) పరుగులు సాధించగా, మిథాలీరాజ్ 2283 పరుగులు చేసింది. పురుషుల్లో అత్యధిక పరుగులు చేసిన న్యూజిలాండ్ క్రికెటర్ మార్టిన్ గుప్తిల్ (2271)ను సైతం మిథాలీ అధిగమించింది. అంతేకాకుండా ప్రపంచ మహిళా క్రికెట్‌లో టీ-20లో అత్యధిక పరుగులు సాధించిన నాలుగో క్రికెటర్‌గా మిథాలీ రికార్డు పుటల్లో చోటుదక్కించుకుంది. టీ-20లో అత్యధిక పరుగులు చేసినవారిలో న్యూజిలాండ్ బ్యాట్స్‌ఉమన్ సుజీ బేట్స్ (2996) టాప్‌లో కొనసాగుతోంది. ఇదిలావుండగా, శుక్రవారం ఐర్లాండ్‌తో జరిగిన మూడో టీ-20లో 52 పరుగుల తేడాతో ఘన విజయం సాధించిన తర్వాత మీడియాతో మాట్లాడిన మిథాలీరాజ్ శనివారం ఆస్ట్రేలియాతో జరిగే పోరులో తమదే పైచేయి అవుతుందనే గట్టి నమ్మకాన్ని వ్యక్తం చేసింది. తమ జట్టులో ఎక్కువ శాతం యువ ఆటగాళ్లు ఉన్న నేపథ్యంలో గెలుపే ధ్యేయంగా సమష్టి కృషితో పోరాడుతామని, ఐసీసీ వరల్డ్ కప్‌ను కైవసం చేసుకుంటామనే ధీమాను వ్యక్తపరిచింది. కాగా, తాము బ్యాటింగ్, బౌలింగ్‌లో మరింత పరిణితి సాధించాల్సిన అవసరం ఎంతో ఉందని మిథాలీరాజ్ అభిప్రాయపడింది. బరిలోకి దిగకముందు జరిగే ప్రణాళికలో అనుకున్న రీతిలో బౌలింగ్ చేయలేకపోతున్నామని పేర్కొంది. శనివారం ఆస్ట్రేలియాతో జరిగే పోరు తమకు అత్యంత కీలకం కావడంతో అన్నివిభాగాల్లో రాణించేందుకు, తద్వారా విజయం సాధించేందుకు దూకుడును ప్రదర్శించాల్సిన అవసరం ఎంతో ఉందని అంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.