రాష్ట్రీయం
పార్టీలతో కాదు ప్రజలతోనే మా పొత్తు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పార్టీలతో కాదు ప్రజలతోనే తమ పార్టీ పొత్తు పెట్టుకుటుందని సీపీఎం పొలిట్‌బ్యూరో సభ్యులు ఎంఏ బేబీ అన్నారు. సోమవారం మహాసభల సందర్భంగా సుందరయ్య విజ్ఞాన కేంద్రంలో ఏర్పాటు చేసిన మీడియా సెంటర్‌ను పార్టీ రాష్ట్ర కార్యదర్శి తమ్మినేని వీరభద్రంతో కలిసి ప్రారంభించారు. ఈ సందర్భంగా వారు మాట్లాడుతూ ప్రజల సమస్యలపై నిరంతరం పోరాటం చేస్తూ ప్రజలకు చేరువ అవుతున్నట్టు చెప్పారు. బీజేపీ పాలనలోదేశం ఎన్నో సవాళ్లను ఎదుర్కొంటుందని అన్నారు. విశ్వవిద్యాలయాల్లో ఇప్పటికీ వివక్ష కొనసాగుతుందని, రోహిత్ వేముల ఆత్మహత్య, అనంతరం జరిగిన పరిమాలు చాలా బాధకరమని అన్నారు. ఇటీవల ఎనిమిదేళ్ల బాలికపై జరిగిన అత్యాచారం ఘటన కలిచివేసే సంఘటన అని అన్నారు. ఆ కేసును సైతం అక్కడి ప్రభుత్వం నీరుగార్చే ప్రయత్నం చేసిందని అన్నారు. రాబో యే రోజుల్లో దేశ రాజకీయాల్లో ప్రభావితం చేసే విధంగా పార్టీ మహాసభలను జరగనున్నాయని తమ్మినేని అన్నారు. సామాజిక న్యాయం, మతోన్మాదం, ప్రజల ఎదుర్కొంటున్న సమస్యలు- వాటి పరిష్కార మార్గాలు, భవిష్యత్ ఉద్యమాల నిర్మాణం తదితర అంశాలపై విస్తృత స్థాయిలో చర్చించి తీర్మాణాలు చేస్తామని చెప్పారు. కేసీఆర్ ఏర్పాటు చేయబోయే ధర్డ్‌ఫ్రంట్‌లో ఎట్టి పరిస్థితిలో చేరేది లేదని స్పష్టం చేశారు. అవకాశ వాద రాజకీయాల కోసం చేసే ప్రయత్నాలను తమ మద్దతు ఉండదని పేర్కొన్నారు. సీపీ ఎం చరిత్రలో ఇలాంటి ఫ్రంట్‌లను ఎన్నో చూశామన్నారు. అనంతరం మహాసభల కోసం మురిసెలే... అరుణ కిరణం పేరుతో రూపొందించిన వీడియో పాటను ఆవిష్కరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.