రాష్ట్రీయం
టాటూలు, గోరింటాకూ నిషిద్ధమే
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 18: కఠిన నిబంధనల మధ్య ఏపీ ఎంసెట్-2018 నిర్వహించడానికి కాకినాడ జేఎన్‌టీయూ విస్తృత ఏర్పాట్లు చేస్తోంది. ఎంసెట్ నిర్వహణలో ఏ విధమైన విమర్శలకు తావులేకుండా, ప్రశ్నాపత్రాల లీకేజీ వంటి అక్రమాలకు తావులేకుండా పకడ్బందీ ఏర్పాట్లు చేపట్టారు. గత ఏడాది కంటే ఈ ఏడాది ఎంసెట్ నిర్వహణలో వివిధ జాగ్రత్తలు తీసుకుంటున్నారు. పరీక్షకు హాజరయ్యే అభ్యర్థులు మెహందీ, గోరింటాకు వంటివి పెట్టుకుంటే అనుమతించేది లేదని, టాటూలు వేసుకోరాదని ఎంసెట్ కన్వీనర్ డాక్టర్ సిహెచ్ సాయిబాబు స్పష్టం
చేశారు. పరీక్షకు హాజరయ్యే అభ్యర్థులను నిశితంగా గమనిస్తామని, నిబంధనల్లో ఏ ఒక్కటి పాటించకున్నా పరీక్షకు అనుమతించేదిలేదన్నారు. పరీక్షకు ఒక్క నిముషం ఆలస్యమైనా అనుమతించేది లేదని ఇప్పటికే ప్రకటించామన్నారు. పరీక్షా సమయానికి గంట ముందుగా హాజరుకావాలని సూచించారు. మొబైల్ ఫోన్లు, కాలిక్యులేటర్లు, ఏ విధమైన స్మార్ట్‌వాచీలను అనుమతించబోమని చెప్పారు. పరీక్షలను ఆన్‌లైన్‌లో నిర్వహిస్తున్న నేపథ్యంలో ప్రతీ విద్యార్థికి కంప్యూటర్ పరిజ్ఞానం అవసరమని స్పష్టంచేశారు. ప్రతి విద్యార్థికి పరీక్ష రాయడానికి కంప్యూటర్ కేటాయిస్తామని, పరీక్ష రాసే అభ్యర్థి ఆన్‌లైన్ విధానంలో తన జవాబును ఎన్ని సార్లైనా మార్చుకునే అవకాశం ఉందన్నారు.
ఎంసెట్‌కు హాజరయ్యే విద్యార్థులకు బుధవారం నుంచి ఆన్‌లైన్‌లో హాల్‌టిక్కెట్లు జారీచేస్తున్నామని డాక్టర్ సాయిబాబు చెప్పారు. రూ.5000 ఆలస్య రుసుంతో గురువారం వరకు దరఖాస్తులు దాఖలు చేసుకునే అవకాశం ఉందన్నారు. ఈనెల 20, 21 తేదీల్లో రూ.10వేల ఆలస్య రుసుముతో దరఖాస్తులు స్వీకరిస్తామని, 22వ తేదీ పరీక్షా సమయంలోగా హాల్‌టిక్కెట్లు డౌన్‌లోడ్ చేసుకుని, ప్రవేశ పరీక్షలకు హాజరయ్యే అవకాశం ఉందన్నారు. ఈనెల 22 నుంచి 24వ తేదీ వరకు ఇంజనీరింగ్ పరీక్షలను ఉదయం 10గంటల నుంచి మధ్యాహ్నం ఒంటిగంట వరకు, మధ్యాహ్నం 2.30 గంటల నుంచి సాయంత్రం 5.30 గంటల వరకు నిర్వహిస్తామన్నారు. ఈనెల 25వ తేదీన అగ్రికల్చర్, మెడిసిన్ ప్రవేశపరీక్షను ఉదయం 10గంటల నుంచి మధ్యాహ్నం ఒంటి గంట వరకు, మధ్యాహ్నం 2.30 నుంచి సాయంత్రం 5.30 గంటల వరకు నిర్వహిస్తామని డాక్టర్ సాయిబాబు వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.