రాష్ట్రీయం
క్రీడాకారులకు కోటా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 21: రాష్ట్రంలో క్రీడాభివృద్ధికి ప్రభుత్వం కృషి చేస్తోందని, క్రీడాకారులను ప్రోత్సహించేందుకు ప్రభుత్వోద్యోగాల్లో రెండు శాతం రిజర్వేషన్ కల్పిస్తామని సీఎం కె చంద్రశేఖర్ రావు హామీ ఇచ్చారు. ఆస్ట్రేలియాలోని గోల్డ్‌కోస్ట్‌లో నిర్వహించిన కామనె్వల్త్ గేమ్స్ 2018లో పతకాలు సాధించిన క్రీడాకారులు శనివారం ప్రగతిభవన్‌లో సీఎం కేసీఆర్‌ని కలిశారు. క్రీడల్లో పతకాలు సాధించి రాష్ట్ర గౌరవాన్ని ఇనుమడింప చేసిన క్రీడాకారులతోపాటు బ్యాడ్మింటన్ కోచ్ పుల్లెల గోపిచంద్‌నూ కేసీఆర్ ప్రత్యేకంగా అభినందించి ఘనంగా సత్కరించారు. భవిష్యత్‌లో మరింత రాణింపు ప్రదర్శించాలని కోరుతూ, వచ్చే కామనె్వల్త్‌లో తెలంగాణ క్రీడాకారులు మరిన్ని పతకాలు సాధించాలని ఆకాంక్షించారు. రాష్ట్రానికి, దేశానికి పేరు ప్రతిష్టలు తెచ్చారని, భవిష్యత్‌లో మరిన్ని విజయాలు సాధించి రాష్టస్థ్రాయిని మరింత ఎత్తుకు తీసుకెళ్లాలని ఆకాంక్షించారు. అంతర్జాతీయ స్థాయి రాణింపు ప్రదర్శిస్తున్న క్రీడాకారులకు ప్రత్యేక గుర్తింపునిస్తామని, వారిని అన్నివిధాలా ప్రోత్సహిస్తామని హామీ ఇచ్చారు. గత కొంతకాలంగా పెండింగ్‌లోవున్న రెండు శాతం రిజర్వేషన్‌ను ప్రభుత్వోద్యోగాల్లో అమలు చేస్తామని సీఎం ఈ సందర్భంగా వెల్లడించారు. కామనె్వల్త్‌లో పతకాలు సాధించిన క్రీడాకారులను ఈనెల 23న లాల్‌బహదూర్ స్టేడియంలో సన్మానించి, అభినందన సభ నిర్వహించనున్నట్టు కేసీఆర్ ఈ సందర్భంగా ప్రకటించారు. శనివారం సీఎంను కలిసిన వారిలో బాడ్మింటన్
స్వర్ణ పతక విజేత సైనానెహ్వాల్, పీవీ సింధు, కిడాంబి శ్రీకాంత్, పుల్లెల గోపిచంద్‌తోపాటు పలువురు క్రీడాకారులు, కోచ్‌లు ఉన్నారు. కార్యక్రమంలో ఎంపీ కవిత, రాష్ట్ర క్రీడలు, యువజన సర్వీసుల శాఖ కార్యదర్శి బుర్రా వెంకటేశం, తెలంగాణ రాష్ట్ర స్పోర్ట్స్ అథారిటీ (శాట్స్) చైర్మన్ అల్లీపురం వెంకటేశ్వర్‌రెడ్డి, వైస్ చైర్మన్, మేనేజింగ్ డైరెక్టర్ ఎ దినకర్‌బాబుతోపాటు వివిధ క్రీడలకు సంబంధించిన కోచ్‌లు పాల్గొన్నారు. కామనె్వల్త్ క్రీడలను తిలకించేందుకు గోల్డ్‌కోస్ట్ వెళ్లిన శాట్స్ చైర్మన్ అల్లీపురం వెంకటేశ్వర్ రెడ్డి కామనె్వల్త్ క్రీడల నిర్వహణ తదితర అంశాలను సీఎం కేసీఆర్‌కు వివరించారు.
క్రీడా సంఘాల హర్షం
రాష్ట్రంలో క్రీడాభివృద్ధికి సీఎం కేసీఆర్ అనేక సంస్కరణలు రూపొందిస్తున్నారని, ప్రభుత్వోద్యోగాల్లో క్రీడాకారులకు రెండు శాతం కోటా ప్రకటించడంపట్ల రాష్ట్రంలోని వివిధ క్రీడా సంఘాలు వేర్వేరు ప్రకనల్లో హర్షం వ్యక్తం చేస్తున్నాయి. గత కొనే్నళ్లుగా పెండింగ్‌లోవున్న కోటా అమలుకు సీఎం గ్రీన్ సిగ్నల్ ఇవ్వడం క్రీడాకారులకు వరంలాంటిదని వ్యాఖ్యానించాయి.
చిత్రం..స్వర్ణ పతకం సాధించిన సైనా నెహ్వాల్‌ను అభినందిస్తున్న సీఎం కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.