రాష్ట్రీయం
నేటి నుంచి ఎంసెట్
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 21: ఏపీ ఎమ్‌సెట్ నిర్వహణకు సర్వం సిద్ధమైంది. ఆదివారం నుంచి కాకినాడ జేఎన్‌టియూ పర్యవేక్షణలో తెలంగాణలోని హైదరాబాద్‌లో 3 రీజనల్ సెంటర్లు, ఆంధ్రప్రదేశ్‌లో 44మొత్తం 47 రీజనల్ సెంటర్ల పరిధిలోని ఆయా పరీక్షా కేంద్రాల్లో 25వ తేదీ వరకు నాలుగు రోజుల పాటు ప్రవేశ పరీక్షలను నిర్వహిస్తారు. ఆన్‌లైన్‌లో కంప్యూటర్ ఆధారంగా అభ్యర్ధులు ప్రవేశ పరీక్షలు రాయాల్సి ఉంటుంది. రాష్ట్ర ఉన్నత విద్యాశాఖ మంత్రి గంటా శ్రీనివాసరావు ఆదివారం ఉదయం 8 గంటలకు కాకినాడ జేఎన్‌టియూలోని సెనేట్ హాలులో ప్రవేశ పరీక్షలకు సంబంధించిన సెట్ కోడ్ విడుదల చేస్తారు. అనంతరం తెలుగు రాష్ట్రాల్లో ఉదయం 10 గంటల నుండి ఇంజనీరింగ్ ప్రవేశ పరీక్ష ప్రారంభమవుతుంది.పరీక్షా సమయానికి గంట ముందు అభ్యర్ధులు చేరుకోవాలని, నిముషం ఆలస్యమైనా పరీక్షకు అనుమతించేది లేదని ఎంసెట్ కన్వీనర్ డాక్టర్ సిహెచ్ సాయిబాబు స్పష్టం చేశారు. ఈ ఏడాది ఎంసెట్‌కు సుమారు 2 లక్షల 75వేల మంది అభ్యర్ధులు దరఖాస్తు చేసుకున్నారు. ఆన్‌లైన్‌లో అభ్యర్ధులు ఎంపిక చేసుకున్న 3 రీజనల్ సెంటర్లలో ఒక రీజనల్ సెంటర్ పరిధిలో పరీక్షా కేంద్రాన్ని కేటాయించారు. అతి కొద్ది మంది అభ్యర్థులకు మాత్రమే వారు ఎంపిక చేసుకున్న రీజనల్ సెంటర్ల స్థానే అసౌకర్యం కలుగకుండా దగ్గర్లోని రీజనల్ సెంటర్ల పరిధిలో పరీక్షా కేంద్రాలను కేటాయించారు. ప్రవేశ పరీక్షకు హాజరయ్యే విద్యార్థులను బయోమెట్రిక్ తనిఖీ అనంతరం అనుమతిస్తారు. టాటూలు, గోరింటాకు, మెహందీ వంటివి అలంకరించుకున్నా
అనుమతించరు. కాలుక్యులేటర్లు, ఎలక్ట్రానిక్ వాచీలు సహా ఏ ఇతర ఇతర వస్తువులను పరీక్షా కేంద్రంలో అనుమతించేది లేదని, విద్యార్థులు ఈ విషయంలో అప్రమత్తంగా వ్యవహరించాలని కన్వీనర్ స్పష్టం చేశారు. కంప్యూటర్ ఆధారిత ప్రవేశ పరీక్ష కావడంతో విద్యార్థులు ప్రశ్నలకు సమాధానాలను సరిదిద్దుకునే అవకాశం ఉందని, పరీక్షలను అత్యంత పారదర్శకంగా నిర్వహించేందుకు అన్ని ఏర్పాట్లు చేసినట్టు వివరించారు. నకిలీ విద్యార్థులు పరీక్ష రాసే అవకాశం లేకుండా బయోమెట్రిక్ తనికీ విధానాన్ని ప్రవేశపెట్టామన్నారు. హాల్‌టిక్కెట్ వెనుక భాగంలో గూగుల్ మ్యాప్ ఇచ్చామని, మ్యాప్‌లో నిర్దేశిత పరీక్షా కేంద్రానికి బస్టాండ్ ఎంత దూరంలో ఉన్నదో వివరించామని, ఆ ప్రకారం విద్యార్థులు పరీక్షా కేంద్రాలకు వచ్చేందుకు ఏర్పాటు చేసుకోవాలని సూచించారు. ఒకరోజు ముందుగానే నిర్దేశిత పరీక్షా కేంద్రాన్ని సందర్శించాలని కన్వీనర్ డాక్టర్ సాయిబాబు సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.