రాష్ట్రీయం
బీజేపీ X బాలకృష్ణ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఏప్రిల్ 21: ఎన్డీఏతో తెగదెంపులనంతరం సీఎం నారా చంద్రబాబునాయుడు, బీజేపీ నేతల మధ్య జరుగుతున్న కోల్డ్‌వార్ తాజాగా ముఖ్యమంత్రి వియ్యంకుడు, హిందూపురం ఎమ్మెల్యే నందమూరి బాలకృష్ణ వైపు మళ్లింది. ప్రత్యేక హోదాకై విజయవాడలో బాబు చేపట్టిన 12 గంటల ధర్మపోరాట దీక్షలో పాల్గొన్న బాలకృష్ణ ప్రధాని నరేంద్రమోదీని రాయటానికి వీలులేని పరుష పదజాలంతో దూషించడం పై కమలనాథులు కనె్నర్ర చేస్తున్నారు. విజయవాడ, రాజమండ్రి, విశాఖపట్టణం, రా యలసీమ తదితర ప్రాంతాల్లో బీజేపీ కార్యకర్తలు బాలకృష్ణ దిష్టిబొమ్మలను తగులబెట్టి ఆయనకు వ్యతిరేకంగా నినాదాలు చేశారు. అంతేకాకుండా ప్రధాని మోదీని దుర్భాషలాడినందుకు బాలకృష్ణ, పక్కనే ఉండి ప్రోత్సహించినందుకు చంద్రబాబు ఇరువురిపై పలు పోలీస్‌స్టేషన్లలో ఫిర్యాదు చేశారు. అయితే తక్షణం కేసులు నమోదుకు పోలీసులు వెనుకాడుతున్నారు. విజయవాడలో బీజేపీ కార్యకర్తలు బాలకృష్ణ దిష్టిబొమ్మ తగులబెట్టి సూర్యారావుపేట పోలీస్‌స్టేషన్‌లో ఫిర్యాదు చేశారు. ఈ సందర్భంగా వీరు మాట్లాడుతూ సినీ రంగానికి చెందిన తోటి స్నేహితుడు బెల్లంకొండ సురేష్‌పైనే కాల్పులు జరిపినప్పుడు బాలకృష్ణను అరెస్ట్ చేసి ఉంటే నేడు ఇంత దుర్మార్గంగా ప్రధానిని నిందించేవారు కాదన్నారు. ఈ దేశ సమైక్యత, అభివృద్ధి కోసం మోదీ రాత్రి, పగలు పాటుబడుతున్నారని అన్నారు. రాజమండ్రిలో జరిగిన నిరసన కార్యక్రమాల్లో పార్టీ జాతీయ కార్యవర్గ సభ్యుడు, ఎమ్మెల్సీ సోము వీర్రాజు పాల్గొన్నారు. ఈ సందర్భంగా ఆయన ఆంధ్రభూమి ప్రతినిధితో మాట్లాడుతూ 2004లో అలిపిరిలో జరిగిన సంఘటన ప్రజల్లో సానుభూతి పెంచుతుందని బాబు కలలు కన్నారని, అలాగే ఇప్పుడు ప్రత్యేక హోదా కోసం తాను చేపట్టిన ఉద్యమం తిరిగి తన పట్ల మరింత సానుభూతి పెంచుతుందని మళ్లీ కలలు కంటున్నారంటూ ఎద్దేవా చేశారు. విజయవాడలో వివిధ కార్యక్రమాల్లో పాల్గొన్న మాజీ మంత్రి పైడికొండల మాణిక్యాలరావు బాలకృష్ణ ఓ మానసిక రోగి అంటూ ఎద్దేవా చేశారు. తక్ష ణం తన మానసిక స్థితిని వైద్యులచే పరీక్షించుకుంటే మంచిదంటూ సలహానిచ్చారు. అటు బాలకృష్ణ, ఇటు చంద్రబాబులకు వ్యతిరేకంగా పెద్దఎత్తున ఉద్యమం చేపట్టటానికి పార్టీ నేతలు వ్యూహరచన కావిస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.