రాష్ట్రీయం
నష్టాలను కుదించాం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: రాష్ట్ర రాజధాని అమరావతి నగర మాస్టర్ ప్లాన్‌కు సంబంధించి ముసాయిదా ప్లాన్‌పై వచ్చిన అభ్యంతరాల్లో 90శాతాన్ని పరిష్కరించటమే కాకుండా రహదారుల వల్ల 3వేల ఇళ్లు దెబ్బతినకుండా ఉండేలా రూపొందించిన తుది బృహత్ ప్రణాళికను మున్సిపల్ మంత్రి పి నారాయణ సోమవారం రాత్రి విజయవాడలో విడుదల చేశారు. ఈసందర్భంగా మాట్లాడుతూ ముసాయిదా ప్రణాళికపై ప్రజలనుంచి వచ్చిన అభ్యంతరాలను పరిగణనలోకి తీసుకుని రోడ్ల అలైన్‌మెంట్‌లో మార్పులు చేశామన్నారు. దీనివల్ల అతి తక్కువ ఇళ్లు మాత్రమే తొలగించాల్సి వస్తుందన్నారు. తొలుత 3600 ఇళ్లను తొలగించాల్సి ఉండగా, ప్రస్తుతం నెక్కల్లు, శాఖమూరు, ఐనవోలు గ్రామాల్లో కేవలం 360 ఇళ్లు మాత్రమే దెబ్బతింటాయని, ఈమేరకు అలైన్‌మెంట్ మార్చామన్నారు. ఈస్ట్ నుంచి వెస్ట్‌కు 18కి.మీల మేర ఒక రహదారిని, నార్త్, సౌత్ మధ్య 8కి.మీల మధ్య వున్న 5 రహదారులను మార్పు చేసినట్టు తెలిపారు. 29 గ్రామాల్లో ప్రస్తుత రహదారులు యథాతథంగా ఉంటాయన్నారు. కృష్ణానది కరకట్ట అలైన్‌మెంట్‌లో మార్పులు లేవన్నారు. పాలవాగు, కొండవీటి వాగు లోతట్టు ప్రాంతాల్లో మున్ముందు వరద బెడద లేకుండా హైదరాబాద్ ట్యాంక్‌బండ్ తరహాలో రిజర్వాయర్లు నిర్మిస్తామని మంత్రి చెప్పారు. ఇక 32 వేల ఎకరాల భూములిచ్చిన రైతులకు వారి గ్రామాల్లోనే ప్లాట్లు కేటాయించే ప్రక్రియను ఈనెల 28 నుంచి ప్రారంభిస్తున్నామన్నారు. దీనికి సంబంధించి ముందుగా నోటిఫికేషన్లను ఆయా గ్రామాల వారీగా విడుదల చేస్తామని, దీనిపై ప్రజల నుంచి అభ్యంతరాలను స్వీకరించి మార్పులు, చేర్పులు చేస్తామన్నారు. ఉద్దండరాయునిపాలెం, తాళ్లాయపాలెం వారికి కూడా ఆయా గ్రామాలకు దగ్గరలోనే ప్లాట్లు కేటాయించేలా తుది ప్రణాళికలో మార్పులు చేశామన్నారు. అన్ని గ్రామాల్లోనూ కమర్షియల్ ప్లాట్లు వస్తాయని మంత్రి నారాయణ వివరించారు. సమావేశంలో సిఆర్‌డిఏ కార్యదర్శి అజయ్ జైన్, కమిషనర్ శ్రీకాంత్ నాగులాపల్లి, అదనపు కమిషనర్ ప్రసన్న వెంకటేష్ పాల్గొన్నారు.
చిత్రం... రాజధాని ఫైనల్ మాస్టర్ ప్లాన్‌ను వివరిస్తున్న మంత్రి నారాయణ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.