రాష్ట్రీయం
ముగిసిన ఏపీ ఎంసెట్
S ,7 à 8 RSCA (si SASPAS) et 6 cialis pharmacie cialis rapports de stage.
కాకినాడ, ఏప్రిల్ 25: రెండు తెలుగు రాష్ట్రాల్లో నాలుగు రోజులపాటు నిర్వహించిన ఏపీ ఎంసెట్-2018 బుధవారంతో ముగిసింది. ఈ నెల 22,23,24 తేదీల్లో ఇంజనీరింగ్ పరీక్షలు నిర్వహించగా, చివరి రోజైన బుధవారం అగ్రికల్చర్, మెడిసిన్ కోర్సుల్లో ప్రవేశాలకు పరీక్షలు విజయవంతంగా నిర్వహించినట్టు ఎంసెట్ కన్వీనర్ డాక్టర్ సిహెచ్ సాయిబాబు చెప్పారు. అగ్రికల్చర్, మెడిసిన్ విభాగాలకు మొత్తం 76, 752 మంది అభ్యర్థులు పరీక్షకు హాజరుకావల్సి ఉండగా 73,371 మంది హాజరయ్యారన్నారు. 3381 మంది గైర్హాజరయ్యారన్నారు. మొత్తం 95.59శాతం మంది వి ద్యార్థులకు హాజరయ్యారు. మూడు రోజుల పా టు నిర్వహించిన ఇంజనీరింగ్ పరీక్షలకు లక్షా 99వేల 437 మంది హాజరుకావల్సి ఉండగా లక్షా 90వేల 924 మంది మంది హాజరయ్యారన్నారు. ఇంజనీరింగ్ పరీక్షలకు మూడు రోజులూ కలిపి 95.73 శాతం హాజరు నమోదయ్యిందన్నారు. ఆం ధ్రప్రదేశ్‌లోని 43 రీజనల్ సెంటర్లు, హైదరాబాద్ లో 3 రీజనల్ సెంటర్లు మొత్తం 46 రీజనల్ సెంటర్ల పరిధిలో 137 పరీక్షా కేంద్రాల్లో ఇంజనీరింగ్, అగ్రికల్చర్, మెడిసిన్ పరీక్షలు నిర్వహించామన్నారు. ప్రశ్నాపత్రాలను నిర్ధారించిన కీతో సరిపోల్చుకోవడానికి ఆన్‌లైన్ జవాబుపత్రాన్ని అభ్యర్థుల ఈమెయిల్‌కు పంపామన్నారు. ఈమెయిల్ ద్వారా జవాబుపత్రం అందనివారు వెబ్‌సైట్ నుం డి డౌన్‌లోడ్ చేసుకోవచ్చని సూచించారు. ప్రాథమిక కీని గురువారం వెబ్‌సైట్‌లో పొందుపరుస్తామని, వాటిపై ఏ విధమైన అభ్యంతరాలున్నా ఈ నెల 27వ తేదీ సాయంత్రం 5 గంటల్లోగా ఎంసెట్ కార్యాలయానికి తెలియజేయాలన్నారు. ఎంసెట్ ఫలితాలను మే 3న విడుదలచేస్తామన్నారు. ఇంట ర్ కాకుండా సీబీఎస్‌ఈ, ఏపీవోఎస్‌ఎస్, టీఎస్‌వోఎస్‌ఎస్, ఎన్‌ఐవోఎస్, డిప్లమో, ఆర్‌జీయూకేటీ, ఐఎన్‌సీ తదితర బోర్డుల నుండి ఎంసెట్‌కు హాజరైన అభ్యర్ధులు తమ హాల్‌టిక్కెట్‌తో పాటు డౌన్‌లోడ్ చేసుకున్న డిక్లరేషన్ ఫారంను పూర్తిచేసి, సంబంధిత ధ్రువీకరణ పత్రాలతో ఈనెల 27వ తేదీ సాయంత్రం 5 గంటల్లోగా ఏపీ ఎంసెట్ కార్యాలయానికి ఈమెయిల్ లేక తపాలా ద్వారా అందజేయాలని కోరారు. డిక్లరేషన్ ఫారం సహా అటెస్టేషన్ చేయించిన మార్కుల జాబితాలను పంపిన పక్షంలోనే వారి మార్కుల వెయిటేజీని తీసుకుని, ఎంసెట్ మార్కులతో కలిపి ర్యాంకులు వెల్లడిస్తామని చెప్పారు. ఇతర వివరాలు, సందేహాల నివృత్తికి 0884-2340535, 0884-2356255 ఫోన్ నంబర్లలో సంప్రదించాలని కన్వీనర్ డాక్టర్ సాయిబాబు సూచించారు..
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.