రాష్ట్రీయం
తిరుమలలో పర్యావరణం భేష్
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, ఏప్రిల్ 26: ప్రపంచ ప్రసిద్ధి చెందిన ఆధ్యాత్మిక క్షేత్రమైన తిరుమలకు లక్షలాది మంది భక్తులు విచ్చేస్తున్నారని, అయినా ఎలాంటి కాలుష్యం లేకుండా పర్యావరణం చక్కగా, ఆహ్లాదంగా ఉందని పార్లమెంటరీ కమిటీ చైర్మన్ సుబ్బిరామిరెడ్డి అన్నారు. పార్లమెంటరీ కమిటీ గురువారం సాయంత్రం తిరుమలలో పర్యటించి పలు ప్రాంతాలను పరిశీలించింది. ఈ సందర్భంగా కమిటీ చైర్మన్ సుబ్బిరామిరెడ్డి విలేఖరులతో మాట్లాడుతూ తిరుమలలో పారిశుద్ధ్యం నిర్వహణ బాగుందని, చక్కటి పరిశుభ్రతా చర్యలు చేపడుతున్నారని కొనియాడారు. శ్రీవారి భక్తులకు ఒక సంవత్సరానికి 96కోట్ల రూపాయలతో అన్నప్రసాద వితరణ జరుగుతోందని తెలిపారు. సామాన్యభక్తులుండే వసతీ గదులను పరిశీలించామని, సౌకర్యాలు బాగున్నాయన్నారు. అంతకుముందు తిరుమలలోని బూందీపోటు, మాతృశ్రీ తరిగొండ వెంగమాంబ అన్నప్రసాద భవనం, అక్షయ వంటశాల, పి ఏ సీ2లోని కల్యాణకట్ట, కాకులకొండలోని సాలిడ్ వేస్ట్ మేనేజ్‌మెంట్ ప్లాంట్, కాకులకోన తిప్ప, శ్రీగంధం మొక్కల పెంపకాన్ని కమిటీ పరిశీలించింది. ఈ పరిశీలన కార్యక్రమంలో టీటీడీ ఈవో అనిల్‌కుమార్ సింఘాల్, చీప్ ఇంజనీర్ చంద్రశేఖర్‌రెడ్డి, ఇన్‌చార్జి సీ వి ఎస్ ఓ శివకుమార్‌రెడ్డి, ఎస్ ఈ 2 రామచంద్రారెడ్డి, వీ ఎస్ వో రవీంద్రారెడ్డి, ఇతర అధికారులు ఉన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.