రాష్ట్రీయం
రాష్టప్రతి పాలనే మంచిది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 21: కర్నాటకలో తలెత్తిన రాజకీయ పరిస్థితుల నేపథ్యంలో రాష్టప్రతి పాలన విధించడమే సరైన నిర్ణయమని మాజీ ప్రధాన ఎన్నికల కమిషనర్ టీఎస్ కృష్ణమూర్తి సంచలన వ్యాఖ్యలు చేశారు. ‘కర్నాటకలో ఏ పార్టీకీ ప్రభుత్వం ఏర్పాటు చేయగలిగే మెజారిటీ రాలేదు. అలాంటి పరిస్థితుల్లో రాష్టప్రతి పాలన విధించడమే సరైన నిర్ణయం’ అన్నారు. బీజేపీ, కాంగ్రెస్, జెడీ(ఎస్)ల్లో ఎవరికీ ప్రభుత్వాన్ని ఏర్పాటు చేయగలిగే బలం లేదన్న అంశంపై స్పందిస్తూ ‘గవర్నర్ విజూభాయ్ వాలా మూడు నెలలపాటు రాష్టప్రతి పాలన విధించి ఉండాల్సింది. ఆ సమయంలోనూ ఏ పార్టీ కూడా ప్రభుత్వాన్ని ఏర్పాటు చేయలేకపోయివుంటే, సభను రద్దుచేసి తిరిగి ఎన్నికలకు వెళ్లాల్సింది’ అని ఓ వార్తా సంస్థ ఇంటర్వ్యూలో అభిప్రాయపడ్డారు. ‘ఎన్నికల్లో గెలుపోటముల నిర్ణయానికి దామాషా విధానాన్ని అనుసరించడమే సరైన పద్ధతి’గా వివరించారు. దీనివల్ల సాధించిన ఓట్ల శాతాల ఆధారంగా రాజకీయ పార్టీలకు స్థానాలు నిర్ణయమవుతాయన్నారు. లేదూ 33.33 శాతం ఓట్లు సాధించిన అభ్యర్ధే గెలిచినట్టు నిర్ణయించాలన్నారు. ఏ అభ్యర్థికీ 33.33 శాతం ఓట్లు రాకపోతే, ఆ నియోజకవర్గంలో మళ్లీ ఎన్నికలు నిర్వహించాలన్నారు. ఇప్పటికే చాలా దేశాల్లో 51 శాతం ఓట్లు సాధించినవారే విజేతలన్న నియమాన్ని అమలు చేస్తున్నట్టు వివరించారు. భారత్‌లో అంతకాకున్నా మొదటిసారి 33.33 శాతం ఓట్లు సాధించాలన్న నిబంధనను అమల్లోకి తెచ్చి, తరువాతి పదేళ్లలో 50 శాతం ఓట్లు పోలైనవాళ్లే విజేతలుగా నిర్ణయించే విధానాన్ని అమల్లోకి తేవాలన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.