రాష్ట్రీయం
బాబుకు ప్రతి అంశమూ రాజకీయమే
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 21: రాష్ట్ర ముఖ్యమంత్రి చంద్రబాబునాయుడు ప్రతి అంశాన్ని కూడా రాజకీయ కోణంలోనే చూస్తూ తనను ఏ కులం వారు విమర్శిస్తే ఆ కులం వారితోనే తిట్టిస్తూ కాలం వెళ్లదీస్తున్నారంటూ రాష్ట్ర ప్రభుత్వ మాజీ ప్రధాన కార్యదర్శి ఐవైఆర్ కృష్ణారావు అన్నారు. ఆలయాల్లో జరిగే అన్యాయాలపై నోరు మాట్లాడే హక్కు అర్చకులకు ఉందన్నారు. అర్చకులు దళితవాడలకు వెళ్లి దళిత సోదరులకు తీర్థ ప్రసాదాలు, భగవత్ ఆశీర్వాదాన్ని ఇచ్చిననాడే గ్రామాల్లో అర్చకులకు తగిన గుర్తింపు, గౌరవం, ఆదరణ లభించగలదన్నారు. విజయవాడలోని గాయత్రీ కనె్వన్షన్ హాలులో బ్రాహ్మణ ఐక్యవేదిక ఆధ్వర్యంలో సోమవారం జరిగిన సమావేశంలో ముఖ్య అతిధిగా హాజరైన ఐవైఆర్.. బాబు పనితీరుపై ఘాటైన విమర్శలు చేశారు. ఆగమ శాస్త్రంలో ఉత్తీర్ణుడు కాని వారిని టీటీడీ ప్రధాన అర్చకునిగా ఎలా నియమిస్తారని ప్రశ్నిస్తూ రమణ దీక్షితులను కొందరు బ్రాహ్మణులచే తిట్టించడం దారుణమన్నారు. టీడీపీ ఎన్నికల మేనిఫెస్టోలో అర్చకులకు పదవీ విరమణ లేదని చెప్పి ఇప్పుడు 65 ఏళ్లకే పదవీ విరమణ ప్రకటించడం దారుణమన్నారు. దానివల్ల రాష్ట్రంలో వేలాది అర్చకుల జీవితాలు అగమ్య గోచరంగా మారతాయన్నారు. రమణ దీక్షితులను కొనసాగిస్తూ అవసరమైతే ఆయన ఆరోపణలపై సీబీఐచే విచారణ జరిపించాలని ఐవైఆర్ డిమాండ్ చేశారు. బ్రాహ్మణ కార్పొరేషన్‌కు రూ.500 కోట్లు కేటాయిస్తామన్న సీఎం ఇప్పటివరకు ఎన్ని కోట్లు విడుదల చేశారో చెప్పగలరా అని ప్రశ్నించారు. బాబు ఈ రాష్ట్రానికి ఏమి చేస్తున్నారో తెలియదు కాని ఎప్పుడూ బిజీగా కన్పిస్తుంటారు.. తాను పనిచేస్తున్నానని అందరికీ తెలియాలన్న తపన మినహా అక్కడ జరిగేది తక్కువేనని అన్నారు. పోలవరం ఎన్నోసార్లు వెళ్లానని అంటారు కాని అక్కడ పని ఎంత జరిగిందో అదే ముఖ్యమన్నారు. జీవో 76ను అమలుచేసి ఉంటే తానే బాబుకు బ్రహ్మరథం పట్టించేవాడినని అన్నారు. ప్రస్తుతం కరుడుగట్టిన కుల స్వామ్యంతో టీడీపీ నడుస్తున్నదని అన్నారు. బాబు తన కోటరీ మాటలు విని అక్రమాలపై ప్రశ్నించేవారి భరతం పడుతున్నారని అన్నారు. గత 30 ఏళ్లుగా రాష్ట్రంలో వేలాది చిన్న చిన్న ఆలయాలు మూతబడుతూ వస్తుండగా గ్రామస్తులు తీవ్ర ఆందోళనకు గురవుతున్నారని అన్నారు. ఈ సభలో నగర వైకాపా వర్కింగ్ ప్రెసిడెంట్, మాజీ ఎమ్మెల్యే మల్లాది విష్ణు, బాపట్ల ఎమ్మెల్యే కోన రఘుపతి, భువనేశ్వరీ పీఠాధిపతి సత్యానంద భారతీస్వామి, బ్రాహ్మణ సంఘాల నేతలు ద్రోణంరాజు రవికుమార్, పాలపర్తి శ్యామలానంద ప్రసాద్, కొప్పరపు బలరామ కృష్ణమూర్తి, తదితరులు ప్రసంగించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.