రాష్ట్రీయం
బాబువన్నీ పగటి కలలే..
S ,7 à 8 RSCA (si SASPAS) et 6 cialis pharmacie cialis rapports de stage.
సూర్యాపేట, మే 25: తెలంగాణలో కర్నాటక తరహా ఎన్నికల ఫలితాలు వస్తాయని, ఎన్నికల సమయంలో తెలుగుదేశం పార్టీ నిర్ణయాత్మకశక్తిగా మారుతుందని టీడీపీ అధినేత చంద్రబాబు పగటి కలలు కంటున్నారని రాష్ట్ర విద్యుత్, ఎస్సీ కులాల అభివృద్ధి శాఖల మంత్రి గుంటకండ్ల జగదీశ్‌రెడ్డి ఎద్దేవా చేశారు. శుక్రవారం జిల్లా కేంద్రంలో అంబేద్కర్ భవన నిర్మాణం కోసం స్థల పరిశీలన చేశారు. ఈ సందర్భంగా మీడియాతో మాట్లాడుతూ తెలంగాణ టీడీపీ మహానాడులో చంద్రబాబు చేసిన వ్యాఖ్యలపై తీవ్రంగా మండిపడ్డారు. తెలంగాణలో టీడీపీ సైకిల్ రెండు చక్రాలు ఎప్పుడో ఊడిపోయాయని, ప్రస్తుతం ఆంధ్రాలో అధికారంలో ఉన్నప్పటికీ ఒక చక్రం ఊడిపోయేలా ఉందని, అందువల్ల కర్నాటక ఫలితాలు ఆంధ్రాలోనే పునరావృతం అవుతాయని చమత్కరించారు. తెలంగాణలో పచ్చ పార్టీ ఏనాడో అంతరించి పోయిందని, ఒక్కరిద్దరు నేతలు ఉండి హడావుడి చేసినంత మాత్రన అద్భుతాలు జరగవన్నారు. వచ్చే ఎన్నికల్లో టీడీపీ నిర్ణయాత్మక శక్తిగా మారుతుందంటున్న చంద్రబాబు తెలంగాణలో ఎక్కడ పోటీచేసినా ఆ పార్టీకి డిపాజిట్ సైతం దక్కదన్న విషయాన్ని గమనించాలన్నారు. కొత్తగా ఏర్పడిన తెలంగాణ రాష్ట్రాన్ని నాలుగేళ్లలోనే ఎంతో అభివృద్ధి చేస్తూ వినూత్న ప్రజారంజక పథకాలను అమలుచేస్తూ సీఎం కేసీఆర్ నేడు దేశానికే ఆదర్శంగా నిలుస్తున్నారని, ఈ తరుణంలో టీఆర్‌ఎస్‌ను జాతీయపార్టీగా మార్చితే ఆంధ్రప్రదేశ్‌లోనూ క్లీన్‌స్వీప్ చేస్తుందన్నారు. హైదరాబాద్ నగరాన్ని తానే నిర్మించినట్లుగా బాబు గొప్పలు చెప్పుకోవడం సిగ్గుచేటన్నారు. హైదరాబాద్‌ను నిర్మించిన నిజాం నవాబు సైతం ఎప్పుడూ ఈ విధంగా చెప్పుకున్నట్లుగా అనిపించడం లేదన్నారు. నాలుగు భవనాలు నిర్మించి రాజధానిని తానే నిర్మించానని చెప్పుకోవడం బాబు అవివేకానికి నిదర్శనమన్నారు. నిన్నటి మహానాడులో చంద్రబాబు చేసిన వ్యాఖ్యలు ‘నవ్విపోదురుగాక నాకేటి సిగ్గు’ చందంగా ఉన్నాయన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.