రాష్ట్రీయం
ఆందోళనలో కొత్తపర్వం!
S ,7 à 8 RSCA (si SASPAS) et 6 cialis pharmacie cialis rapports de stage.
నరసాపురం/వీరవాసరం, జూన్ 21: పశ్చిమ గోదావరి జిల్లా భీమవరం సమీపంలోని తుందుర్రు గ్రామంలో నిర్మాణంలో ఉన్న గోదావరి ‘మెగా ఆక్వా ఫుడ్ పార్కు’ వ్యతిరేక ఆందోళన కొత్త పుంతలు తొక్కుతోంది. ఇప్పటివరకు పార్కు పనులు అడ్డుకోవడం, ధర్నాలు, రాస్తారోకోలు, నిరాహార దీక్షలు తదితర ఆందోళనలు చేపట్టిన పరిసర గ్రామాల ప్రజలు తాజాగా మరో కొత్త తరహా ఆందోళనకు తెరలేపారు. ఫుడ్‌పార్కు నిర్మాణాన్ని వ్యతిరేకిస్తూ నరసాపురం మండలం కొప్పర్రు గ్రామంలో ఇద్దరు వ్యక్తులు, వీరవాసరం మండలం మత్స్యపురి గ్రామంలో ఒక మహిళ సెల్ టవర్ ఎక్కి నిరసన తెలిపింది. దీంతో రెండు గ్రామాల్లో ఉద్రిక్త, ఉత్కంఠ వాతావరణ నెలకొంది. పచ్చని పొలాలు, జనావాసాల మధ్య నుండి తుందుర్రు ఆక్వాపార్కును తరలించాలని గత మూడేళ్లుగా ఆందోళనలు జరుగుతున్న విషయం తెలిసిందే. ఇటీవల ఫుడ్ పార్కు పరిశ్రమ పైప్‌లైను పనులు చేపట్టారు. దీంతో నిరసనకారులు ఆందోళనను ఉద్ధృతంచేశారు. జొన్నలగరువు గ్రామానికి చెందిన కొయ్యే సంపదరావు, కొయ్యే పెదపౌలు గురువారం ఉదయం కొప్పర్రు గ్రామంలోని సెల్ టవర్ ఎక్కి ఉదయం నుంచి రాత్రి వరకు టవర్‌పైనే ఉండిపోయారు. దీంతో గ్రామంలో ఉద్రిక్త పరిస్థితి నెలకొంది. మరోవైపు మత్స్యపురి గ్రామంలో ఆరేటి సత్యవతి అనే మహిళ సెల్ టవర్ ఎక్కింది. ఉదయం టవర్ ఎక్కిన ఆమె రాత్రి 10 గంటల సమయంలోనూ టవర్‌పైనే ఉండిపోయింది. దీనితో ఆమెకు మద్దతుగా రాత్రి గ్రామస్థులు రాస్తారోకో ప్రారంభించారు. ఫుడ్‌పార్కు వ్యతిరేక ఉద్యమకారుల నిరసనలతో అప్రమత్తమైన పోలీసులు ఫుడ్ పార్కు పరిసర గ్రామాల్లోని సెల్ టవర్లు, మంచినీటి ట్యాంకుల వద్ద భద్రతా ఏర్పాట్లుచేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.