రాష్ట్రీయం
కేంద్రంపై అవిశ్వాసానికి మద్దతివ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 15: ఆంధ్రప్రదేశ్ పునర్విభజన చట్టంలోని హామీలను నెవేర్చటాన్ని కేంద్రం ప్రభుత్వం విస్మరించే అంశాన్ని తీవ్రంగా పరిగణించి పార్లమెంట్ వేదికగా తాము చేపట్టబోయే ఆందోళనకు మద్దతు ఇవ్వాల్సిందిగా టీడీపీ ఎంపీల బృందం టీఆర్‌ఎస్‌ను కోరింది. ఈ నెల 18 నుంచి ప్రారంభం కానున్న పార్లమెంట్ వర్షాకాల సమావేశాలకు ముందు జరిగే అఖిలపక్ష సమావేశంలో కూడా ఈ అంశంపై కేంద్రాన్ని గట్టిగా నిలదీయడంలో తమకు మద్దతుగా నిలవాలని టీడీపీ ఎంపీలు టీఆర్‌ఎస్‌కు విజ్జప్తి చేసారు. హైదరాబాద్‌లో ఆదివారం టీఆర్‌ఎస్ పార్లమెంటరీ పార్టీ నాయకుడు కె కేశవరావు, ఉప నాయకుడు జితేందర్‌రెడ్డితో టీడీపీ పార్లమెంట్ సభ్యుడు, మాజీ కేంద్ర మంత్రి సుజనా చౌదరి నేతృత్వంలో ఎంపీలు కొనకళ్ల నారాయణ, నిమ్మల కిష్టప్ప, శ్రీరామ్ మాల్యాద్రి సమావేశమయ్యారు. రాష్ట్ర విభజన చట్టంలోని హామీలను నెరవేర్చడంలో కేంద్ర ప్రభుత్వం పూర్తిగా విస్మరించిందని, దీనివల్ల ఆంధ్రప్రదేశ్‌కు తీవ్ర అన్యాయం జరగడంపై అన్ని పార్టీల మద్దతు కూడగట్టడంలో భాగంగా టీఆర్‌ఎస్ మద్దతు కోరుతున్నట్టు వారు కేశవరావుకు వివరించారు. మిగిలిన పక్షాల కంటే తోటి తెలుగు రాష్ట్రంగా తెలంగాణ నుంచి పూర్తి సహకారం కావాలని సుజనా చౌదరి కోరారు. విభజన హామీలను నెరవేర్చక పోవడం వల్ల ఆంధ్రప్రదేశ్‌కే కాదు.. తెలంగాణ రాష్ట్రానికి కూడా అన్యాయం జరిగిందని కేశవరావు ఈ సందర్భంగా వివరించారు. షెడ్యూల్ 9, 10 ఆస్తుల విభజన, పంపిణీ, హైకోర్టు విభజన తదితర అంశాలను తెలంగాణ కూడా తీవ్రంగా పరిగణిస్తుందని కేశవరావు చెప్పారు. పార్లమెంట్‌లో టీడీపీ చేపట్టబోయే ఆందోళన, అవిశ్వాసానికి మద్దతు ఇచ్చే అంశాన్ని తమ పార్టీ అధినేత, ముఖ్యమంత్రి కల్వకుంట్ల చంద్రశేఖర్‌రావుతో చర్చించి నిర్ణయం తీసుకోనున్నట్టు కేశవరావు స్పష్టం చేసారు. పార్లమెంట్ వర్షాకాల సమావేశాలకు ముందు జరిగే అఖిలపక్ష సమాశంలో విభజన హామీలపై కేంద్రాన్ని తప్పకుండా నిలదీస్తామని కేశవరావు హామీ ఇచ్చారు. తమ విజ్ఞప్తికి టీఆర్‌ఎస్ సానుకూలంగా స్పందించినట్టు కేశవరావుతో సమావేశం అనంతరం సుజనా చౌదరి తెలిపారు.
చిత్రం..హైదరాబాద్‌లో ఆదివారం టీఆర్‌ఎస్ నేత కేశవరావుతో సమావేశమైన టీడీపీ ఎంపీల బృందం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.