రాష్ట్రీయం
కూలిపోతాయి... పట్టించుకోండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 10: కూలిపోయే దశలో ఉన్న స్కూళ్లను పట్టించుకోవాలని, ఇప్పటికే పాడుబడిన స్కూళ్ల స్థానే కొత్త భవనాలు నిర్మించాలని కేంద్రం 36 రాష్ట్రాలను ఆదేశించింది. ఇందులో భాగంగా తెలంగాణ, ఆంధ్రప్రదేశ్‌లకు కూడా ఆదేశాలు జారీ చేసింది. ఏపీలో 0.24 శాతం పాఠశాలలు పాడుబడ్డాయని, మరో 6.86 శాతం తరగతి గదులకు సంపూర్ణ మరమ్మతులు అవసరమని పేర్కొంది. తెలంగాణలో 0.17 శాతం స్కూలుభవనాలు పాడుబడ్డాయని, 6.44 శాతం తరగతి గదులకు మరమ్మతులు చేపట్టాల్సి ఉందని తెలిపింది. దేశవ్యాప్తంగా 0.67 శాతం స్కూలు భవనాలు కూలిపోయే దశకు చేరుకున్నాయని, మరో 7.73 శాతం తరగతి గదులకు సంపూర్ణ మరమ్మతులు చేపట్టాల్సి ఉందని కేంద్రం పేర్కొంది. ప్రధానంగా ఉత్తరాఖండ్, నాగాలాండ్, మిజోరం, అస్సాంలో పరిస్థితి మరీ దారుణంగా ఉందని వ్యాఖ్యానించింది. రానున్న కాలంలో భారీ ఎత్తున వర్షాలు కురిసే పరిస్థితిలో పాఠశాలల భద్రతకు చర్యలు చేపట్టాలని పేర్కొంది. ఇప్పటికే జాతీయ విపత్తు యాజమాన్య సంస్థ పాఠశాలల భద్రతకు మార్గదర్శకాలను జారీ చేసిందని, వాటిని ప్రతి పాఠశాల అనుసరించాలని స్పష్టం చేసింది. ఈ మార్గదర్శకాలు 2017 సెప్టెంబర్ 1 నుండి అమలులోకి వచ్చాయని, ఈ మార్గదర్ళకాలను ఏ పాఠశాలలు అనుసరిస్తున్నాయో, ఏ స్కూళ్లు అనుసరించడం లేదో కూడా ప్రతి ఆరు నెలలకు సమీక్షించాల్సి ఉంటుందని సూచించింది. బాలల హక్కుల జాతీయ కమిషన్ సైతం పలు సూచనలను చేసిందని, వాటిని నిర్బంధంగా అనుసరించాలని రాష్ట్రాలను ఆదేశించింది. యూడైస్ (యూనిఫైడ్ డిస్ట్రిక్ట్ ఇన్ఫర్మేషన్ సిస్టం ఫర్ ఎడ్యుకేషన్) ప్రకారం ఈ డాటా లభ్యమైందని మానవ వనరుల మంత్రిత్వశాఖ పేర్కొంది. నిర్బంధ ఉచిత విద్యతో పాటు మంచి ప్రమాణాలున్న పాఠశాలలు సైతం విద్యా హక్కు చట్టంలో అంతర్భాగమని పేర్కొంది. అన్ని కాలాలకు భద్రతమైన భవనాల నిర్మాణం చేపట్టాల్సిన బాధ్యత రాష్ట్రాలకు ఉందని, అందుకు అవసరమేన మేరకు నిధులను అందజేసేందుకు సిద్ధంగా ఉన్నట్టు స్పష్టం చేసింది. సమగ్ర శిక్షా అభియాన్ కింద నిధులు అందజేస్తామని పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.