రాష్ట్రీయం
దుర్గగుడి ప్రక్షాళనపై బాబు దృష్టి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 10: రాష్ట్రంలో తిరుమల తర్వాత అతిపెద్ద ఆలయంగా ప్రాశస్త్యం పొందిన విజయవాడ దుర్గగుడి సన్నిధిలో జరుగుతున్న అపచారాలతో ప్రభుత్వం అప్రతిష్ఠను మూటగట్టుకుంటున్న నేపథ్యంలో సీఎం చంద్రబాబునాయుడు స్వయంగా రంగంలోకి దిగారు. ముందుగా అన్ని విభాగాల్లోను ప్రక్షాళన చేసేందుకు నడుంకట్టారు. దుర్గమ్మకు ఓ భక్తురాలు సమర్పించిన విలువైన చీర చోరీకి గురికావడం... ఆ చీరను ట్రస్టుబోర్డు సభ్యురాలు కె.సూర్యలత కుమారి తనవెంట తీసుకెళ్ళినట్లు ఆధారాలు వెల్లడయినందున సీఎం జోక్యంతో ఆమెను ఏకంగా ట్రస్టుబోర్డు నుంచి తప్పించాల్సిన పరిస్థితి నెలకొంది. అదే విధంగా కేంద్ర ప్రభుత్వ సర్వీస్ నుంచి గత జూన్ మాసంలో రాష్ట్ర సర్వీస్‌కు డిప్యూటేషన్‌పై వచ్చిన ఆదాయపు పన్నుశాఖ అధికారిణి కోటేశ్వరమ్మను దుర్గ గుడి ఈఓగా నియమిస్తూ ప్రభుత్వం శుక్రవారం ఉత్తర్వులు జారీ చేసింది. ఇప్పటివరకు ఈవోగా వ్యవహరించిన పద్మ ఇక బ్రాహ్మణ కార్పొరేషన్, దేవదాయశాఖలకు ఇన్‌ఛార్జి కమిషనర్‌గా వ్యవరించనున్నారు. ఇటీవల అర్ధరాత్రి దుర్గగుడిలో తాంత్రిక పూజలు జరిగినట్టు వచ్చిన ఆరోపణలు కూడా ప్రభుత్వాన్ని అప్రతిష్ఠపాలు చేశాయి. ఈ నేపథ్యంలో ఇక పాలకవర్గ సభ్యులెవరూ ఆలయ దైనందిక వ్యవహారాల్లో జోక్యం చేసుకోరాదని... నెలకొకసారి పాలకవర్గ సమావేశాలకు మాత్రమే హాజరుకావాలంటూ సీఎం చంద్రబాబు సూచించినట్లు తెలుస్తోంది. బాబు ఆదేశాల మేరకు దుర్గగుడి వ్యవహారాల్లో మూడు దశాబ్దాలుగా అనుభవం కల్గిన ఆ ప్రాంతానికి చెందిన శాసనమండలి ప్రభుత్వ విప్, టీడీపీ అర్బన్ అధ్యక్షులు బుద్దా వెంకన్న శుక్రవారం దుర్గగుడికి చేరుకుని పలు వర్గాలతో సమాలోచనలు జరిపారు. అలాగే బోర్డు చైర్మన్ గౌరంగబాబు, పాలకవర్గ సభ్యులతో సమావేశమై చర్చించారు. ఇప్పటివరకు గుడిలో దైనందిన కార్యక్రమాల పర్యవేక్షణకు సభ్యులతో నడుస్తున్న కమిటీలన్నింటినీ రద్దు చేయించారు. అలాగే ఇక పాలకవర్గ సమావేశానికి ముందురోజు టీడీపీ కార్యాలయంలో ఎంపీ, ఎమ్మెల్యేలు, పార్టీ నేతలతో సమావేశమై గుడి ప్రతిష్ఠ పెరిగేందుకు సలహాలు సూచనలు తీసుకోవాలంటూ వెంకన్న ఆదేశించారు. ఇకనుంచి వెంకన్న దుర్గగుడి వ్యవహారాల పట్ల ముఖ్యమంత్రి ప్రత్యేకంగా దృష్టి సారించబోతున్నారు.
చిత్రం..దుర్గగుడి కొత్త ఈఓ కోటేశ్వరమ్మ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.