రాష్ట్రీయం
ఉన్నత విద్యలో నూరు శాతం ఎఫ్‌డీఐ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 10: ఉన్నత విద్యలో నూరు శాతం విదేశీ ప్రత్యక్ష పెట్టుబడులను (ఎఫ్‌డీఐ) అనుమతిస్తూ కేంద్ర ప్రభుత్వం నిర్ణయం తీసుకోవడంతో వివిధ రాష్ట్రాల్లో విదేశీ విశ్వవిద్యాలయాల క్యాంపస్‌ల ఏర్పాటుకు మార్గం సుగమం అయింది. అలాగే స్థానిక సంప్రదాయ యూనివర్శిటీలు సైతం విదేశీ యూనివర్శిటీలతో కలిసి ఉమ్మడిగా పరిశోధనలకు, కోర్సుల నిర్వహణకు వీలుకలుగుతుంది. ఇప్పటికే హైదరాబాద్‌లో మూడు విదేశీ విశ్వవిద్యాలయాలు తమ క్యాంపస్‌లను ఏర్పాటు చేసినా, స్థానిక చట్టా లు, నిబంధనలతో వాటిని ఆయా సంస్థలు మూసివేశాయి. అయితే తాజాగా ఎఫ్‌డీఐ-2017 విధానంతో విదేశీ సంస్థలు 100 శాతం నిధులను ప్రత్యక్ష పెట్టుబడులు పెట్టేందుకు మార్గం సుగమమైంది. అయితే వివిధ రాష్ట్రాల్లో సరళతరం చేసిన నిబంధనలను పాటించాల్సి ఉంటుందని పేర్కొంది. ఇందుకోసం యూజీసీ ప్రమోషన్ అండ్ మెంటైనెన్స్ ఆఫ్ స్టాం డర్డ్స్ ఆఫ్ అడమిక్ కొలేబరేషన్ నిబంధనలను తీసుకువచ్చింది. విదేశాల్లో ఉన్న విశ్వవిద్యాలయాలు ఆయా దేశాల్లో అక్రిడిటేషన్ పొంది ఉంటే, అత్యున్నత విద్యాసంస్థలుగా గుర్తింపు పొంది ఉంటే దానిని పరిగణలోకి తీసుకుంటారు, అలాగే ఆయా దేశాల్లో ఆ విద్యాసంస్థల్లో కనీసం రెండు బ్యాచ్‌ల విద్యార్థులు తమ స్నాతకోత్తర చదువు పూర్తి చేసి ఉండాలి. ఈనేపథ్యంతో భారత్‌లో ఎక్కడైనా వృత్తిసాంకేతిక విద్యా సంస్థలను నెలకోల్పేందుకు వీలుం ది. అలాంటి సంస్థల ఏర్పాటు సందర్భంగా విద్యాత్మక సౌకర్యాలు, ల్యాబ్, లైబ్రరీ, వర్కుషాప్ సదుపాయం, ఇతర వౌలిక సదుపాయాలను కల్పించా ల్సి ఉంటుంది, దాంతో పాటు సమీపంలోని సంప్రదాయ వర్శిటీతో కలిసి పనిచేయాల్సి ఉంటుంది. ఈ మొత్తం ప్రక్రియకు యూజీసీ , ఏఐసీటీఈ కలిసి ఉమ్మడిగా మార్గదర్శకాలను రూపొందించాయి. ఈ సందర్భంగా ఏఐసీటీఈ కూడా సమగ్ర సూచనల దర్శిని విడుదల చేసింది. విద్యాసంస్థల ఏర్పాటుకు కావల్సిన భూమి, ఫిక్సిడ్ డిపాజిట్లు, ఆన్‌లైన్ దరఖాస్తు విధానం, విశ్వవిద్యాలయాలతో అనుబంధ గుర్తింపు, స్వీయ ప్రకటిత సౌకర్యాల నివేదిక తదిత ర అంశాలపై సూచనల దర్శిని రూపొందించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.