రాష్ట్రీయం
సుపరిపాలన కాంగ్రెస్‌కే సాధ్యం
S ,7 à 8 RSCA (si SASPAS) et 6 cialis pharmacie cialis rapports de stage.
న్యాల్‌కల్, జహీరాబాద్, ఆగస్టు 13: దేశప్రజలకు సుపరిపాలన అందించడం కాంగ్రెస్‌కే సాధ్యమని ఏఐసీసీ అధ్యక్షుడు రాహుల్ గాంధీ అన్నారు. ఏఐసీసీ బాధ్యతలు చేపట్టిన అనంతరం మొట్టమొదటిసారిగా కర్ణాటకకు వచ్చిన సందర్భంగా పార్టీ నాయకులు బీదర్‌లోని నెహ్రూ స్టేడియంలో సోమవారం భారీ బహిరంగ సభ నిర్వహించారు. ఈ సందర్భంగా ఆయన మాట్లాడుతూ దేశంలోని ఏ రాష్ట్రంలోనైనా పాలించే దక్షత కాంగ్రెస్‌కే సాధ్యమన్నారు. కర్ణాటకలో రైతులకు రూ.2లక్షల రుణమాఫీచేసి ఆదుకున్నామన్నారు. ప్రధానమంత్రి మోదీ ప్రభుత్వం కల్లబొల్లి మాటలతో కాలక్షేపం చేస్తోందని ఎద్దేవా చేశారు. దేశంలో ఉన్న నల్లధనాన్ని వెలికితీసి, విదేశాలనుంచి రప్పించి దేశంలోని ప్రతి ఒక్కొక్కరి ఖాతాలో రూ. 15 లక్షలు వేస్తామని ప్రజలకు ప్రలోభ పెట్టారన్నారు. ఎన్నికల్లో ఇచ్చిన హామీని విస్మరించి దేశ ప్రజలను మోసంచేశారని ఆరోపించారు. దేశంలో ఎక్కడా లేని విధంగా ధరలు పెరిగాయన్నారు. ప్రభుత్వానికి డీజిల్, పెట్రోల్‌పై నియంత్రణ లేదన్నారు. తమ ప్రభుత్వం వస్తే మంచి పాలన అందించి ప్రజలకు ధరాభారం పడకుండా చూస్తామన్నారు. నాయకులు రాహుల్‌ను పూలమాల, శాలువాలతో ఘనంగా సన్మానించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.