రాష్ట్రీయం
రాహుల్ మాటలు నమ్మి మోసపోవడానికి సిద్ధంగా లేరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 14: రాహుల్ గాంధీ మాటలు విని మోసపోవడానికి తెలంగాణ ప్రజలు సిద్ధంగా లేరని బీజేపీ రాష్ట్ర అధ్యక్షుడు డాక్టర్ కే లక్ష్మణ్ వ్యాఖ్యానించారు. కాంగ్రెస్, తెరాస రెండూ దొందూ దొందేనని , కేసీఆర్ మాటలకు, చేతలకు సంబంధం లేదని పేర్కొన్నారు. మంగళవారం నాడు ఆయన పార్టీ కార్యాలయంలో పాత్రికేయులతో మాట్లాడుతూ రాహుల్ మాట్లాడుతున్న విధానం అపరిపక్వత , నిరాశ, నిస్పృహలతో కూడుకున్నట్టుందని అన్నారు. అవినీతి బురదలో కూరుకుపోయిన కాంగ్రెస్ పార్టీ నరేంద్రమోదీకి బురద అంటించి చేతులు దులుపుకోవాలని చూస్తోందని అన్నారు. మోదీ పాలనలో చిన్నపాటి అవినీతి ఆరోపణలు లేకపోవడంతో కాంగ్రెస్ పార్టీ సహించలేకపోతోందని అన్నారు. పదేపదే రాహుల్ గాంధీ రాఫెల్ గురించి మాట్లాడుతూ తప్పుడు ఆరోపణలు చేస్తూ ప్రజలను మభ్యపెడుతున్నారని అన్నారు. రాహుల్‌గాంధీ మాట్లాడినపుడు రక్షణ మంత్రి నిర్మలాసీతారామన్ వాటి వివరాలను చెప్పారని, వాస్తవాలను పక్కదారి పట్టించి బీజేపీ ప్రభుత్వంపై బురదజల్లే ప్రయత్నాలను రాహుల్ చేస్తున్నారని అన్నారు. దేశంలో ఎక్కడ ఎన్నికలు జరిగినా, రాహుల్ పర్యటించిన అన్ని ప్రాంతాల్లో బీజేపీ ఘనవిజయం సాధించిందని, రాహుల్ గాంధీ నాయకత్వం చేపట్టాక రెండు రాష్ట్రాలకే ఆ పార్టీ పరిమితం అయిందని అన్నారు. అస్సాం ఎన్‌ఆర్సీపై కాంగ్రెస్ పార్టీ తన వైఖరి ఏమిటో చెప్పలేకపోతోందని అన్నారు. అస్సాంలో ఒక రకంగా, బెంగాల్‌లో మరో రకంగా హైదరాబాద్‌లో ఇంకోరకంగా ద్వంద్వ ప్రమాణాలను అవలంభిస్తోందని అన్నారు. త్రిపుల్ తలాక్ విషయంలో నిఖా హలాల విషయంలో ముస్లిం మహిళలకు జరుగుతున్న అన్యాయంపై రాహుల్ గాంధీ వైఖరి చెప్పాలని డిమాండ్ చేశారు. సీఎం కేసీఆర్ తన వైఫల్యాలను కప్పిపుచ్చుకోవడానికి కేంద్రంపై నిందలు వేయడం పరిపాటిగా మారిందని, ఢిల్లీలో ఉన్నపుడు కేంద్రానికి కితాబు ఇవ్వడం, హైదరాబాద్ వచ్చాక విమర్శలు చేయడం అలవాటుగా మారిందని లక్ష్మణ్ విమర్శించారు. తెలంగాణ రాష్ట్రాన్ని కొట్లాడి తెచ్చుకున్నది వారసత్వరాజకీయాలకు కాదని అన్నారు. మాట తప్పిన రాష్ట్రప్రభుత్వం తీరుపై బీజేపీ పల్లెపల్లెకూ కార్యక్రమాన్ని ఈ నెల 17 నుండి 26 వరకూ నిర్వహిస్తామని పేర్కొన్నారు. ఈ సందర్భంగా తెలంగాణ నాయి బ్రాహ్మణుల హక్కుల పోరాట సమితి అధ్యక్షుడు సూర్యపల్లి శ్రీనివాస్‌తో పాటు పెద్ద ఎత్తున నాయి బ్రాహ్మణులు బీజేపీలో చేరారు. ఈ సమావేశంలో చింతల రామచంద్రారెడ్డి, ఉపాధ్యక్షుడు సంకినేని వెంకటేశ్వరరావు, బీజేపీ అధికార ప్రతినిధి ఎన్వీ సుభాష్, మీడియా కన్వీనర్ వీ సుధాకర్ శర్మ, కార్యాలయ ఇన్‌చార్జి దాసరి మల్లేశం, నాయి బ్రాహ్మణ పోరాట సమితి అధ్యక్షుడు సూర్యపల్లి శ్రీనివాస్ తదితరులు పాల్గొన్నారు. అంతకు ముందు జరిగిన నగర బాట కార్యక్రమంలోనూ లక్ష్మణ్ ఇతర బీజేపీ నేతలు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.