రాష్ట్రీయం
చరిత్రను వక్రీకరిస్తున్నారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 17: ఒకవైపు అధికారం అనుభవిస్తూ, మరోవైపు చరిత్రను టీఆర్‌ఎస్ వక్రీకరిస్తోందని బీజేపీ ఆగ్రహం వ్యక్తం చేసింది. మజ్లిస్ చేతిలో ముఖ్యమంత్రి కేసీఆర్ కీలుబొమ్మగా మారారని విమర్శించింది. బీజేపీ రాష్ట్ర అధ్యక్షుడు డాక్టర్ కే. లక్ష్మణ్ తెలంగాణ విమోచన దినోత్సవం సందర్భంగా పార్టీ కార్యాలయంలో నిర్వహించిన ప్రత్యేక కార్యక్రమంలో జాతీయ జండాను ఎగురవేశారు. బీజేపీ జాతీయ కార్యదర్శి సత్యకుమార్, కేంద్ర మాజీ మంత్రి బండారు దత్తాత్రేయ, సీనియర్ నేతలు జీ. కిషన్ రెడ్డి, ఎన్. రామచందర్ రావు, పేరాల శేఖరరావు, నల్లు ఇంద్రసేనారెడ్డి తదితరులు పాల్గొన్న ఈ కార్యక్రమంలో లక్ష్మణ్ మాట్లాడుతూ అధికారంలో ఉన్న టీఆర్‌ఎస్ విమోచన దినోత్సవాన్ని అధికారికంగా నిర్వహించేది లేదని తేల్చి చెప్పడం
యావత్ తెలంగాణ సమాజాన్ని అవమానపరచడమేనని అన్నారు. విమోచన దినోత్సవాన్ని అధికారికంగా నిర్వహించకుండా టీఆర్‌ఎస్ ఎంఐఎం ఒత్తిడికి లొంగడాన్ని ప్రజలు సహించరని అన్నారు. బలిదానాలను పాఠ్యాంశాలుగా చేర్చి భావితరాలకు అందించాల్సిన అవసరం ఎంతైనా ఉందని, నాటి పోరాటాలు వెలుగులోకి రాకుండా కుట్ర పూరితంగానే గత ప్రభుత్వాలు అధికారికంగా నిర్వహించడం లేదని అన్నారు. తెలంగాణ ప్రాంత ప్రజలు టీఆర్‌ఎస్‌కు తగిన గుణపాఠం చెప్పడం ఖాయమని అన్నారు. త్యాగాలతో , బలిదానాలతో ఏర్పడిన తెలంగాణలో కేసీఆర్ కుటుంబం అధికారం అనుభవిస్తూ చరిత్రను వక్రీకరిస్తోందని ఎద్దేవా చేశారు. బీజేపీపై ఇష్టాను సారం విమర్శలు చేయడం అభ్యంతరకమని అన్నారు. బీజేపీనీ ఝూటా పార్టీ అంటూ, తమ జాతీయ అధ్యక్షుడు అమిత్‌షాను కించపరిచేలా మాట్లాడటం ఏమిటని ప్రశ్నించారు. టీఆర్‌ఎస్ పాలన చూస్తుంటే అది తెలంగాణ రాబందుల సమితిలా కనిపిస్తోందని ఎద్దేవా చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.