రాష్ట్రీయం
అసమ్మతిపై తెరాస ఆరా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 18: వచ్చే ఎన్నికల్లో పోటీకి తెలంగాణ రాష్ట్ర సమితి ప్రకటించిన అభ్యర్థులలో చేర్పులు, మార్పులకు అవకాశం ఉన్నట్టు ఆ పార్టీ వర్గాల సమాచారం. అయితే ఈ చేర్పులు, మార్పులు ప్రధాన ప్రతిపక్షం కాంగ్రెస్ అభ్యర్థులను ప్రకటించిన తర్వాతనే ఉండవచ్చని అంచనా వేస్తున్నారు. రాష్ట్రంలోని 119 నియోజకవర్గాలకు గాను 14 స్థానాలను మాత్రమే మినహాయించి 105 స్థానాలకు టీఆర్‌ఎస్ తన అభ్యర్థులను ప్రకటించిన విషయం తెలిసిందే. ప్రకటించాల్సిన వాటిలో ఐదు స్థానాలు మిత్రపక్షం ఎంఐఎంకు చెందిన 5 స్థానాలను మినహాయిస్తే మిగిలేది 9 మాత్రమే. దీంతో దాదాపు అన్ని స్థానాలకు అభ్యర్థులను ప్రకటించడంతో మిగిలిన స్థానాలకు అభ్యర్థులను ప్రకటించడం ఇప్పట్లో ఉండకపోవచ్చని పార్టీ వర్గాలు అంచనా వేస్తున్నాయి. తొలి విడతలో ప్రకటించిన అభ్యర్థులలో కొందరిపై పెల్లుబికిన అసమ్మతి పూర్తిగా సమసిపోయిన తర్వాతనే రెండవ విడత జాబితా ప్రకటించాలని అధిష్టానం భావిస్తోన్నట్టు సమాచారం. అభ్యర్థులు మారే అవకాశం ఉన్న వాటిలో ఉప్పల్, స్టేషన్ ఘన్‌పూర్ పేర్లు బలంగా వినిపిస్తున్నాయి. వరంగల్ ఈస్ట్ సిట్టింగ్ ఎమ్మెల్యే కొండా సురేఖ తనకు టికెట్ ప్రకటించకపోవడం పట్ల అధిష్టానంపై తిరుగుబాటు బావుటా ఎగరేసిన విషయం తెలిసిందే. 24 గంటల్లో తనకు టికెట్ ఇచ్చేది లేనిదీ స్పష్టం చేయాలని కూడా సురేఖ అల్టిమేటం విధించారు. కాంగ్రెస్ పార్టీలో చేరికకు రంగం సిద్ధం చేసుకుని అధిష్టానంపై కొండా సురేఖ విరుచుకుపడిందని పార్టీ భావిస్తోంది. అల్టిమేటంపై స్పందిస్తే టికెట్ ఆశించిన వారంతా కొండా మాదిరిగానే పార్టీపై విమర్శలు చేసే అవకాశం లేకపోలేదని పార్టీ భావిస్తోంది. పార్టీలో అసమ్మతికి ఆస్కారం లేకుండా సురేఖకు టికెట్ ప్రకటిస్తే ఎలా ఉంటుందనే కోణంలో కూడా అధిష్టానం యోచించినట్టు తెలిసింది. ఒకవేళ టీఆర్‌ఎస్ టికెట్ ప్రకటించాక, టీఆర్‌ఎస్ టికెట్‌ను తిరస్కరిస్తున్నట్టు కొండా ప్రకటిస్తే పార్టీ పరువు పోయే ప్రమాదం ఉందని కూడా అధిష్టానం అంచనా వేసినట్టు తెలిసింది. కొండా సురేఖ ఉదంతంపై పార్టీ సీనియర్లతో అధినేత కేసీఆర్ చర్చించినట్టు తెలిసింది.
ముఖ్యంగా వరంగల్ ఉమ్మడి జిల్లా నేతల అభిప్రాయం కోరగా, వారంతా సురేఖ అభ్యర్థిత్వాన్ని తీవ్రంగా వ్యతిరేకించినట్టు సమాచారం. మహిళా, బీసీ నాయకురాలన్న సానుభూతితో టికెట్ ఇచ్చినట్లయితే భవిష్యత్‌లో టీఆర్‌ఎస్ అధిష్టానమే దిగివచ్చిందని ఆమె ఎవరినీ ఖాతరు చేయదని వారు కేసీఆర్‌కు వివరించినట్టు తెలిసిందే. పైగా సురేఖ బ్లాక్‌మెయిల్‌కు టీఆర్‌ఎస్ అధిష్టానం లొంగిపోయిందన్న సంకేతాలు పార్టీని బలహీనపర్చే అవకాశం ఉందని విశే్లషించినట్టు తెలిసింది. వీటన్నింటినీ పరిగణనలోకి తీసుకొని మిగిలిన స్థానాలకు, ప్రకటించిన స్థానాల అభ్యర్థులలో చేర్పులు, మార్పులకు అవకాశం ఉంటుందని పార్టీ వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.