రాష్ట్రీయం
మెడికల్ ఫీజులపై నోరెందుకు మెదప లేదు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (పటమట) సెప్టెంబర్ 19: బీజేపీకి చెందిన కామినేని శ్రీనివాసరావు నాలుగేళ్లు వైద్య, ఆరోగ్యశాఖామంత్రిగా ఉన్నప్పుడు నోరుమెదపని బీజేపీ ఎమ్మెల్యేలు నేడు రాష్ట్రంలో ప్రైవేటు మెడికల్ కళాశాలలు, యూనివర్శిటీల యాజమాన్యాలు మెడికల్ ఫీజులు అధికంగా వసూలు చేస్తూ దోపిడీ చేస్తున్నాయని ప్రభుత్వంపై దండెత్తటం సరికాదని రాష్ట్ర ఆర్థికశాఖా మంత్రి యనమల రామకృష్ణుడు అన్నారు. అసెంబ్లీ సమావేశాల్లో బుధవారం ‘రాష్ట్రంలో మెడికల్ ఆడ్మిషన్ల కౌన్సిలింగ్ విధానంలో సమస్యలపై చర్చ జరిగింది. ఈ సందర్భంగా మంత్రి యనమల చర్చలో మాట్లాడుతూ ఏ కేటగిరి విద్యార్ధులకు తెలంగాణా రాష్ట్రంలో 60 వేలు ఫీజు వసూలు చేస్తుంటే ఆంధ్రప్రదేశ్‌లో మాత్రం 10 వేలు మాత్రమే ఫీజు వసూలు చేస్తున్నారన్న విషయం బీజేపీ ఎమ్మెల్యేలు గుర్తించాలని కోరారు. అలాగే బీ కేటగిరిలో తెలంగాణా, ఆంధ్రప్రదేశ్‌లో సమానంగా మెడికల్ ఫీజు వుందని స్పష్టం చేశారు. మెడికల్ సీట్లు విషయంలో పేద విద్యార్థులకు అన్యాయం జరగకుండా ప్రభుత్వం చర్యలు తీసుకుంటుదన్నారు. మెడికల్ ఫీజు పెంపువిషయం 2015లో కామినేని శ్రీనివాసరావు వైద్య, ఆరోగ్యశాఖామంత్రిగా వున్నప్పుడే జీవో ఇచ్చారన్న సంగతి బీజేపీ ఎమ్మెల్యేలు గ్రహించి ఆనాడే వ్యతిరేకిస్తే బాగుండేదని ఆయన గుర్తుచేశారు. అంతకుముందు మెడికల్ అడ్మిషన్లపై జరిగిన చర్చలో బీజేపీ ఎమ్మెల్యే విష్ణుకుమార్ రాజు మాట్లాడుతూ రాష్ట్రంలో ప్రైవేటు మెడికల్, యూనివర్శిటీలు అడ్డూ అదుపులేకుండా అధిక ఫీజులు వసూలు చేస్తూ దోపిడికీ పాల్పడుతున్నా ప్రభుత్వం మాత్రం పట్టించుకోవటంలేదని విమర్శించారు. ఆంధ్రప్రదేశ్‌లో సంవత్సరానికి 30 నుంచి 40 లక్షల వరకు ప్రేవేటు మెడికల్ కాలేజీలు వసూలు చేస్తున్నా ప్రభుత్వం పట్టించుకోవటం లేదని నిలదీశారు. అంధ్రప్రదేశ్‌లో ప్రైవేటు మెడికల్ కళాశాలలలో ఎంబీబీఎస్ పూర్తి చేయాలంటే 5 సంవత్సరాలలో 2 కోట్ల రూపాయలు ఫీజులు చెల్లించాల్సి వస్తుందన్నారు. దీంతో ప్రతిభావంతులైన పేద విద్యార్థులకు మెడికల్ సీట్లలో అన్యాయం జరుగుతుందన్నారు. మెడికల్ కౌనె్సలింగ్ సమయంలో విద్యార్ధుల సర్ట్ఫికెట్లను పరిశీలించిన అనంతరం యాజమాన్యాలు వెంటనే తిరిగిచ్చేలా ప్రభుత్వం చర్యలు తీసుకోవాలని డిమాండ్ చేశారు. ప్రభుత్వం స్పందించి ప్రైవేటు మెడికల్ కళాశాలల ఫీజుల దోపిడికి కళ్ళెం వేయాలని డిమాండ్ చేశారు. టీడీపీ ఎమ్మెల్యే దూళిపాళ్ళ నరేంద్ర మాట్లాడుతూ మెడికల్ కౌనె్సలింగ్ సమయంలో సర్ట్ఫికెట్లు పరిశీలనలో నిబంధనలు సడలించాలని అన్నారు. ప్రైవేటు మెడికల్ కాలేజీలు ఒక్కొక్కచోట ఒక్కొ విధంగా ఫీజులు వసూలు చేస్తున్నాయని మంత్రి యనమల దృష్టికి తీసుకోచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.