రాష్ట్రీయం
నేటినుంచి రొట్టెల పండుగ
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, సెప్టెంబర్ 20: ఆంధ్రప్రదేశ్ రాష్ట్ర ప్రభుత్వ పండుగగా గుర్తింపు పొంది, కుల మతాలకతీతంగా వచ్చే భక్తుల కోర్కెలు తీర్చే పుణ్యస్థలంగా ప్రసిద్ధికెక్కిన నెల్లూరు బారాషహీద్ దర్గా రొట్టెల పండుగ నేటినుంచి ప్రారంభం కానుంది. ఈ ఉత్సవాన్ని నాలుగు రోజులపాటు నిర్వహిస్తారు. గతేడాది 7 లక్షల మంది వరకూ భక్తులు రాగా ఈ ఏడాది 10 లక్షల వరకు వచ్చే అవకాశముందని నిర్వాహకులు, అధికారులు భావిస్తున్నారు. పండుగ శుక్రవారం నుండి ప్రారంభం కానుండగా గురువారం నుండి దర్గాకు భక్తుల తాకిడి ఎక్కువైంది. దర్గా సమీపంలోని స్వర్ణాల చెరువులో భక్తులు రొట్టెలు మార్చుకొని స్వీకరించడం ద్వారా తాము కోరుకున్న కోర్కెలు తీరుతాయనే నమ్మకంతో వస్తుంటారు. గతేడాది తాము కోరిన కోర్కెలు తీరినవారు అదే కోరికలతో వచ్చేవారికి తమ రొట్టెలను అందించి తమకు అసరమైన ఇతర కోర్కెల రొట్టెలను స్వీకరిస్తుంటారు. లక్షల సంఖ్యలో వస్తున్న
భక్తులకోసం అధికారులు, నిర్వాహక కమిటీ భారీఎత్తున ఏర్పాట్లు చేసింది. 30ఏళ్ల కిందట ఒక్కరోజు మాత్రమే ఈ రొట్టెల పండుగ జరిగేది. భక్తుల రద్దీ పెరుగుతుండడంతో అయిదు రోజులపాటు నిర్వహించుకునే స్థాయికి పండుగ చేరుకుంది. పూర్వకాలంలో బియ్యం ఆకుకూరతో రొట్టెల పండుగ జరుపుకునేవారు. ప్రస్తుతం గోధుమ రొట్టెలు, బెల్లంతో భక్తులు పండుగను నిర్వహిస్తున్నారు. దర్గా పక్కన ఉన్న చెరువులో భక్తితో స్నానమాచరించి భక్తుల కోర్కెలు తీర్చే రొట్టె ఎక్కడ ఉందో విచారించి తీసుకుంటుంటారు. ఇంతటి ప్రశస్తి కలిగిన ఈ పండుగకు హాజరయ్యేందుకు రాష్ట్రం నలుమూలల నుండే కాకుండా కర్నాటక, తెలంగాణ, తమిళనాడు, కేరళ, మహారాష్ట్ర, చత్తీస్‌గఢ్ తదితర రాష్ట్రాలతోపాటు ఇతర దేశాల నుండి కూడా భక్తులు వస్తుంటారు. రాష్ట్రంలో లక్షల సంఖ్యలో భక్తులు హాజరయ్యే పండుగ ఉత్సవాల్లో నెల్లూరు రొట్టెల పండుగకు ప్రత్యేక స్థానముంది. ప్రభుత్వం అధికారికంగా నిర్వహిస్తున్న ఈ కార్యక్రమానికి రాష్ట్ర ప్రభుత్వం తరపున పలువురు మంత్రులు కూడా హాజరు కానుండడం విశేషం.
చిత్రం..నెల్లూరు స్వర్ణాల చెరువులో గురువారం రొట్టెలు మార్చుకుంటున్న భక్తులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.