రాష్ట్రీయం
బ్రోకర్లను నియమిస్తారా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 20: కాంగ్రెస్ ఎన్నికల కమిటీల నియామకాలపై పార్టీ సీనియర్ నేత, ఎమ్మెల్సీ కోమటిరెడ్డి రాజగోపాల్‌రెడ్డి సొంత పార్టీ నేతలపై తీవ్ర స్వరంతో విరుచుకుపడ్డారు. ‘గాంధీ భవన్‌లో తిరిగే బ్రోకర్లకు, పలు నేరాలపై జైలుకు వెళ్లిన నేతలకు అధిక ప్రాధాన్యత ఇస్తారా?’ అంటూ నిప్పులు చెరిగారు. గురువారం హైదరాబాద్ నగర శివారులో ఏర్పాటు చేసిన మునుగోడు అసెంబ్లీ నియోజకవర్గం కాంగ్రెస్ కార్యకర్తల సమావేశంలో రాజగోపాల్ రెడ్డి పీసీసీ కమిటీల నియామకాలపై ఆయన మండిపడ్డారు. నిన్న మొన్న పార్టీలో చేరిన వారికి, జైలుకు వెళ్లొచ్చిన నేతలకు పదవులు ఇవ్వడమేటని పరోక్షంగా రేవంత్ రెడ్డిని ఉద్దేశించి నిలదీశారు. గాంధీ భవన్‌లో తిరిగే బ్రోకర్లకు, టీవీలు. పేపర్లలో మాట్లాడేవారికి కమిటీలలో స్థానం కల్పించారని ఆరోపించారు. ప్రజల మధ్య తిరిగే నాయకులకు స్థానం కల్పించకపోవడం దారుణమని ఆయన అన్నారు. కాంగ్రెస్ పార్టీకి కోమటి రెడ్డి బ్రదర్స్ అవసరమా..? లేదా అనేది కాంగ్రెస్ తేల్చుకోవాలని సవాల్ విసిరారు. తెలంగాణకు రామచంద్ర కుంతియా ఒక శనిలాగా తయారు అయ్యరని రాజగోపాల్‌రెడ్డి ధ్వజమెత్తారు. ‘నేను కుంతియాకు భయపడాల. నేను ఇవరికీ భయపడను. ఇలాంటి కుంతియాలు వంద మంది వచ్చిన నాకు భయం లేదు’అని ఆయన తీవ్ర స్వరంతో అన్నారు. ‘కోమటి రెడ్డి బ్రదర్స్‌ను ప్రజలు కోరుకుంటున్నారు. మీరు మాత్రం మమ్మల్ని పక్కన పెడుతున్నారు. కోమటి రెడ్డి బ్రదర్స్ కాంగ్రెస్‌కు అవసరం లేదా’అని ఆయన నిలదీశారు. వార్డు మెంబర్‌గా గెలవని వ్యక్తులకు కమిటీలో స్థానం ఇచ్చి, తమను ఇంట్లో కూర్చోబెడతారా అంటూ నిప్పులు చెరిగారు. గెలిచే అభ్యర్థులకు టిక్కెట్లు ఇవ్వాలే తప్ప పైరవీ కారులకు, బ్రోకర్లకు కాదని అధినాయకత్వాన్ని హెచ్చరించారు. ఏ విషయమైన నిర్మొహటంగా మాట్లాడే వ్యక్తులమని, తాము నిత్యం ప్రజల మధ్య ఉంటూ.. ప్రజల కోసమే బతుకున్నామని కోమటిరెడ్డి స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.