రాష్ట్రీయం
కిడారి భార్యకు కలెక్టర్ పరామర్శ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, సెప్టెంబర్ 23: విశాఖ జిల్లా డుంబ్రిగుడ లివిటిపుట్టు వద్ద మావోయిస్టుల కాల్పుల్లో మృతి చెందిన ఎమ్మెల్యే కిడారి సర్వేశ్వర రావు భార్య పరమేశ్వరిని జిల్లా కలెక్టర్ ప్రవీణ్‌కుమార్ ఆదివారం పరామర్శించారు. విశాఖపట్నంలోని ఎంవీపీ కాలనీలో నివాసం ఉంటున్న సర్వేశ్వరరావు గ్రామదర్శినిలో పాల్గొనేందుకు శనివారం బయలుదేరి అరకు వెళ్లారు. ఆయన భార్య పరమేశ్వరి నగరంలోనే ఉంటున్నారు. ఆదివారం సెలవు కావడంతో ఆమె ఇంట్లోనే ఉంది. భర్త సర్వేశ్వర రావు మావోల చేతిలో మరణించాడన్న వార్త తెలుసుకున్న ఆమె షాక్‌కు గురైంది. ఎమ్మెల్యే భార్యతో తొలుత ఫోన్‌లో మాట్లాడిన కలెక్టర్ స్వయంగా ఇంటికి వెళ్లి పరామర్శించారు. పోస్టుమార్టం నిమిత్తం మృతదేహాలను విశాఖ తరలిస్తారని తొలుత భావించినప్పటికీ, స్థానికుల నుంచి వ్యక్తమైన వ్యతిరేకతతో అక్కడే పోస్టుమార్టం నిర్వహించి, అంత్యక్రియలు పూర్తి చేయాలని నిర్ణయించారు. దీంతో సర్వేశ్వర రావు భార్య, ఇతర బంధువులను బందోబస్తు నడుమ అరుకుకు పంపించారు.
చిత్రం..ఎమ్మెల్యే సర్వేశ్వర రావు భార్య పరమేశ్వరిని పరామర్శిస్తున్న జిల్లా కలెక్టర్ ప్రవీణ్‌కుమార్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.