రాష్ట్రీయం
జూబ్లీహిల్స్ ఓట్లు బంజారాహిల్స్‌కు..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఓట్ల జాబితాల సవరణలో చిత్ర, విచిత్రాలు జరుగుతున్నాయని కాంగ్రెస్ నాయకుడు, పార్టీ ఎన్నికల సంఘం కన్వీనర్ జీ నిరంజన్ విమర్శించారు. నగరంలోని జూబ్లీహిల్స్ అసెంబ్లీ నియోజకవర్గంలోని సుమారు 700 కుటుంబాలకు చెందిన రెండు వేల ఓట్లను ఉన్నఫళంగా ఖైరతాబాద్ నియోజకవర్గానికి మార్చారని నిరంజన్ మంగళవారం ఆంధ్రభూమి ప్రతినిధితో మాట్లాడుతూ చెప్పారు. ఖైరతాబాద్ నియోజకవర్గంలోని బాబూ జగ్జీవన్‌రాం నగర్‌కు చెందిన పోలింగ్ స్టేషన్లు 26, 27లలోని ఓట్లను జూబ్లీహిల్స్‌లోని 169వ పోలింగ్ స్టేషన్‌కు మార్చారని ఆయన తెలిపారు. అలా మారుస్తున్నట్లు ఆ నియోజకవర్గం ఓటర్లకు సమాచారం ఇవ్వలేదన్నారు. వారి ఓట్ల గుర్తింపు కార్డులపై నియోజకవర్గం జూబ్లీహిల్స్‌గా ఉంటే, ఖైరతాబాద్‌కు మార్చారని అన్నారు. దీంతో బ్లాక్, వార్డు అన్నీ మారిపోతాయని ఆయన చెప్పారు. ఈ విషయాన్ని తాము కేంద్ర ఎన్నికల కమిషన్‌కు (సీఇసీ) లిఖిత పూర్వకంగా ఫిర్యాదు చేశామని ఆయన తెలిపారు. అంతేకాకుండా మంగళవారం రాష్ట్ర ఎన్నికల అధికారి రజత్ కుమార్‌నూ కలిసి ఈ మేరకు ఫిర్యాదు చేశామని ఆయన చెప్పారు. దీనిపై వెంటనే విచారణ చేపట్టాల్సిందిగా సీఇవో రజత్ కుమార్ సంబంధిత అధికారులను ఆదేశించారని నిరంజన్ తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.