రాష్ట్రీయం
ఏమిటీ నిర్లక్ష్యం?
S ,7 à 8 RSCA (si SASPAS) et 6 cialis pharmacie cialis rapports de stage.
* వాకౌట్ చేసి ప్లకార్డులతో టీడీపీ ఎంపీల నిరసన
విజయవాడ, సెప్టెంబర్ 25: విజయవాడ, గుంతకల్లు, గుంటూరు రైల్వే డివిజన్లలోని సమస్యల పరిష్కారంకోసం దక్షిణ మధ్య రైల్వే మేనేజర్ వినోద్‌కుమార్ యాదవ్ మంగళవారం సత్యనారాయణపురం రైల్వే శిక్షణ కేంద్రంలో రాష్ట్ర ఎంపీలతో నిర్వహించిన సమావేశం వాడివేడిగా జరిగింది. ఈ సమావేశానికి టీడీపీకి చెందిన 9మంది లోక్‌సభ, ముగ్గురు రాజ్యసభ సభ్యులు హాజరయ్యారు. సమావేశం ఆరంభంలోనే సభ్యులందరూ ముక్తకంఠంతో రైల్వే ఉన్నతాధికారుల నిర్లక్ష్యాన్ని నిరసించారు. గత నాలుగేళ్లుగా తమతమ ప్రతిపాదలన్నీ కాగితాలకే పరిమితమవుతుంటే ఏటా మొక్కుబడిగా జరుగుతున్న ఈ సమావేశాలు బిస్కట్, సమోసాలు, కాఫీలకే పరిమితమవుతున్నాయంటూ సమావేశం నుంచి వాకౌట్ చేసి వెలుపల రోడ్డుపై ప్లకార్డులు చేతబూని అరగంట సేపు నినాదాలు చేశారు. విశాఖ రైల్వేజోన్ సాధ్యం కాకపోతే ఈ రాష్ట్రంలో ఏ ప్రాంతంలో అయినాసరే సరికొత్త రైల్వే జోన్ ఏర్పాటు చేయాల్సిందేనన్నారు. పార్లమెంట్ సభ్యుడు కేశినేని శ్రీనివాస్ మాట్లాడుతూ విజయవాడ నుంచి ముంబై, బెంగుళూరుకు డైలీ ఎక్స్‌ప్రెస్ రైళ్లను నడపాలని గత నాలుగేళ్లుగా తాను కోరుతున్నప్పటికీ ఎందుకు జాప్యం జరుగుతున్నదంటూ అధికారులను నిలదీశారు. కాకినాడ నుంచి షిర్డీకి వెళ్లే ఎక్స్‌ప్రెస్‌ను ప్రయాణికుల రద్దీని దృష్టిలో ఉంచుకుని రోజూ నడపాలన్నారు. వించిపేట రైల్వే ఇన్‌స్టిట్యూట్ నుంచి పంజాసెంటర్ వరకు ఫ్లైఓవర్ నిర్మించాలని, వాస్కో ఎక్స్‌ప్రెస్‌కు ఇంద్రకీలాద్రి ఎక్స్‌ప్రెస్‌గా నామకరణం చేయాలని గట్టిగా కోరారు. ఈ సమావేశంలో టీడీపీ పార్లమెంట్ సభ్యులు డాక్టర్ పీ రవీంద్రబాబు (అమలాపురం), ఎం శ్రీనివాసరావు (అనకాపల్లి), మాల్యాద్రి శ్రీరాం (బాపట్ల), మాగంటి వెంకటేశ్వరరావు (ఏలూరు), కేశినేని నాని (విజయవాడ), కొనకళ్ల నారాయణరావు (మచిలీపట్నం), నిమ్మల కిష్ణప్ప (హిందుపురం), ఎస్‌పీవై రెడ్డి (నంద్యాల), మాగంటి మురళీమోహన్ (రాజమండ్రి), బుట్టా రేణుక (కర్నూలు), రాజ్యసభ సభ్యులు తోట సీతారామలక్ష్మీ, వేమిరెడ్డి ప్రభాకరరెడ్డి పాల్గొన్నారు.
జోన్ అంశం నా పరిధిలో లేదు: జీఎం యాదవ్
ద.మ రైల్వే పరిధిలోనున్న మూడు రైల్వే డివిజన్‌ల అభివృద్ధికి నిధులు పుష్కలంగా ఉన్నాయని తక్షణం వంద కోట్లు మంజూరు చేస్తున్నామని ద.మ రైల్వే జనరల్ మేనేజర్ వినోద్‌కుమార్ యాదవ్ తెలిపారు. సమావేశం అనంతరం ఆయన మీడియా ప్రతినిధులతో మాట్లాడారు. రైల్వే జోన్ తన పరిధిలో లేదని రైల్వేబోర్డు, రైల్వే మంత్రిత్వశాఖలు నిర్ణయించాల్సి ఉందన్నారు. తిరుపతి రైల్వేస్టేషన్‌ను రూ. 400 కోట్ల వ్యయంతో అభివృద్ధి చేసేందుకు నేటి నుంచే టెండర్ల ప్రక్రియ ఆరంభమైందని అలాగే విజయవాడ, గుంతకల్లు, గుంటూరు, కర్నూలు రైల్వేస్టేషన్‌లలో ప్రయాణికులకు అవసరమైన వౌలిక వసతులు కల్పిస్తామన్నారు. తిరుపతిలో అంతర్జాతీయ స్థాయిలో 8 అంతస్తుల్లో హోటల్ నిర్మాణం జరగబోతున్నదన్నారు. గుంటూరు - గుంతకల్లు మధ్య విద్యుద్ధీకరణ పనులు పూర్తవుతున్నాయని, డబ్లింగ్ పనులు పురోగతిలోనున్నాయని అన్నారు. విజయవాడ - విశాఖల మధ్య మూడో రైలు మార్గం నిర్మాణపు పనులు కొనసాగుతున్నాయని అన్నారు. నడికుడి - శ్రీకాళహస్తి నూతన రైలుమార్గంలో ఇప్పటికే 42కి.మీ రైలుమార్గం నిర్మాణం పూర్తయిందని త్వరలో ప్రారంభమవుతుందన్నారు. ద.మ రైల్వే పరిధిలో గత ఆర్థిక సంవత్సరం విద్యుద్దీకరణ పనులు 608 కి.మీటర్లు పూర్తి కాగా ప్రస్తుత ఆర్థిక సంవత్సరంలో 600 కి.మీ లక్ష్యంగా పెట్టుకుని ప్రణాళిక సిద్ధం చేశామన్నారు. ఈ సమావేశంలో మూడు రైల్వేజోన్‌ల ఉన్నతాధికారులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.