రాష్ట్రీయం
చల్లావారిపల్లిలో విషాదం
S ,7 à 8 RSCA (si SASPAS) et 6 cialis pharmacie cialis rapports de stage.
కల్లూరు, అక్టోబర్ 11: చిత్తూరు జిల్లా పులిచెర్ల మండలం చల్లావారిపల్లి ఎస్సీ కాలనీ వీధిలో గురువారం మధ్యాహ్న సమయంలో సేదతీరుతున్న నలుగురు వృద్ధులపైకి కారు దూసుకెళ్లడంతో ఇద్దరు వృద్ధులు అక్కడికక్కడే మృతి చెందారు. మరో ఇద్దరు వృద్ధులకు తీవ్రగాయాలైనట్లు కల్లూరు ఎస్‌ఐ విశ్వనాధనాయుడు తెలిపారు. ఎస్‌ఐ విశ్వనాధనాయుడు తెలిపిన వివరాల మేరకు... చల్లావారిపల్లి ఎస్సీకాలనీకి చెందిన మునీశ్వర్ కుమార్తెకు గురువారం నామకరణం కార్యక్రమం సందర్భంగా మునీశ్వర్ ఇంటికి బంధువులు చేరుకొని వేడుకలో నిమగ్నమయ్యారు. ఈ నామకరణం కార్యానికి మునీశ్వర్ బంధువైన వాల్మీకిపురానికి చెందిన మురళీధర్‌మూర్తి తన కారులో చల్లావారిపల్లికి వచ్చాడు. నామకరణం కార్యక్రమం పూర్తికాగా వీధిలో ఇంటి ముందు ఉన్న మురళీధర్‌మూర్తి కారును పక్కన పెట్టేందుకు మునీశ్వర్ తమ్ముడు మునిరాజ కారును ముందుకుపోనిచ్చాడు. కారు అదుపుతప్పడంతో అదే వీధిలో మధ్యాహ్న సమయంలో సేదతీరుతున్న నలుగురు వృద్ధులపై దూసుకెళ్లడంతో చల్లావారిపల్లికి చెందిన లక్ష్మమ్మ (75), రాజమ్మ (70) అక్కడికక్కడే మృతి చెందగా చెంగమ్మ, మొగిలమ్మకు తీవ్రగాయాలయ్యాయి. ప్రమాదాన్ని గుర్తించిన స్థానికులు 108 వాహనానికి, కల్లూరు పోలీసులకు సమాచారం అందించారు. సంఘటనా స్థలానికి చేరుకున్న పోలీసులు తీవ్రగాయాలైన ఇద్దరు వృద్దులను చికిత్స నిమిత్తం 108 వాహనంలో పీలేరు ప్రభుత్వాసుపత్రికి తరలించారు. మృతదేహాలను పోస్టుమార్టం నిమిత్తం ఆసుపత్రికి తరలించామని, ప్రమాదానికి కారకులైన వారిపై కేసు నమోదు చేసి దర్యాప్తు చేపడుతున్నట్లు ఎస్‌ఐ విశ్వనాధనాయుడు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.