రాష్ట్రీయం
ఏపీలో అధికారంలోకి వస్తే రైతు రుణమాఫీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, అక్టోబర్ 15: అటు కేంద్రంలో, ఇటు రాష్ట్రంలో 2019లో కాంగ్రెస్ పార్టీ అధికారంలోకి వస్తే ఒక్కొక్క పాస్‌బుక్ మీద రూ. 2 లక్షల వరకు వ్యవసాయ రుణాల మాఫీ చేయడంతోపాటు ఒక్కొక్క కనెక్షన్ మీద ఏడాదికి నాలుగు వంట గ్యాస్ సిలిండర్లు ఉచితంగా సరఫరా చేస్తామని పీసీసీ ఉపాధ్యక్షుడు ఎన్ తులసీరెడ్డి పేర్కొన్నారు. ఆంధ్రరత్నభవన్‌లో సోమవారం ఏర్పాటు చేసిన విలేఖర్ల సమావేశంలో ఆయన మాట్లాడుతూ కేంద్రంలో అధికార పార్టీగా బీజేపీ, రాష్ట్రంలో అధికార పార్టీగా టీడీపీ, రాష్ట్రంలో ప్రధాన ప్రతిపక్ష పార్టీగా వైసీపీ పూర్తిగా వైఫల్యం చెందాయన్నారు. పెట్రోల్, డీజిల్, వంట గ్యాస్ ధరలు ఆకాశాన్ని అంటగా, వ్యవసాయ రంగం సంక్షోభంలో కూరుకుపోయిందన్నారు. జనానికి అచ్చేదిన్ బదులు చచ్చేదిన్‌లు దాపురించాయని తులసీరెడ్డి అన్నారు. అవినీతి, అసమర్థత, అప్పులు, అడంబరాలతో టీడీపీ ప్రభుత్వం రాష్ట్రాన్ని అదోగతి పాలు చేసిందన్నారు. ఆంధ్రప్రదేశ్‌కు ప్రధాని మోదీ ఒక శనిగ్రహంగా, చంద్రబాబు రాహువుగా, జగన్ కేతువుగా దాపురించారని ఆయన అన్నారు. కాంగ్రెస్ అధికారంలోకి వస్తే ప్రత్యేక హోదా, విభజన చట్టంలోని అంశాలు అమలు, ఉక్కు కర్మాగారంతోపాటు, వ్యవసాయ రుణాల మాఫీ, రైతులు పండించిన పంటలకు గిట్టుబాటు ధరలు కల్పించడం, ఉపాధి హామీ పథకాన్ని వ్యవసాయ రంగంతో అనుసంధానం చేయడం, డ్వాక్రా సంఘాలకు రూ. 2 లక్షల వరకు రుణమాఫీ, ఏడాదికి నాలుగు గ్యాస్ సిలిండర్లు ఉచితంగా సరఫరా చేస్తుందని, పెట్రోల్, డీజిల్ ధరలు తగ్గిస్తుందని తులసిరెడ్డి అన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.