రాష్ట్రీయం
కృష్ణా జలాలపై తేలని వాటాలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 16: కృష్ణానదీ యాజమాన్య బోర్డు సమావేశం మొక్కుబడిగానే సాగింది.. నీటి వాటాలపై ఏ నిర్ణయం తీసుకోలేకపోయింది. కనీసం వచ్చే ఏడాదైనా కృష్ణా జలాల్లో తెలంగాణ, ఆంధ్రప్రదేశ్ రాష్ట్రాల వాటా ఎంతో కచ్చితంగా తేల్చాలని రెండు రాష్ట్రాలు బోర్డును డిమాండ్ చేసాయి. కృష్ణానదీ యాజమాన్య బోర్డు చైర్మన్ శ్రీవాస్తవ అధ్యక్షతన మంగళవారం జలసౌధలో సమావేశమైంది. తెలంగాణ తరఫున ప్రభుత్వ ప్రధాన కార్యదర్శి ఎస్‌కే జోషి, ఆంధ్రప్రదేశ్ నుంచి ఆ రాష్ట్ర నీటి పారుదల శాఖ ముఖ్య కార్యదర్శి శశిభూషణ్ కుమార్, తెలంగాణ ఇఎన్‌సీ మురళీధర్, ఆంధ్ర ఇఎన్‌సీ వెంకటేశ్వర్‌రావుతో తదితర ఉన్నతాధికారులు హాజరయ్యారు. బోర్డు సమావేశంలో ఎప్పటి మాదిరిగానే కృష్ణా జలాలను ఎక్కువగా ఆంధ్రప్రదేశ్ వాడుకుంటోందని తెలంగాణ, కాదు.. తెలంగాణాయే ఎక్కువ వాడుకుంటోందని ఆంధ్ర అధికారులు పరస్పర ఆరోపించారు. కృష్ణానదీలో టెలిమెట్రీలను ఏర్పాటు చేయకపోవడం వల్లే ఎవరెంత వాడుకుంటున్నారో కచ్చితమైన లెక్క తేలడం లేదని రెండు రాష్ట్రాల అధికారులు అభిప్రాయపడ్డారు. విభజన చట్టంలో పేర్కొన్నట్టుగా కృష్ణా బోర్డు కార్యాలయాన్ని విజయవాడకు తరలించాలని ఆంధ్రప్రదేశ్ అధికారులు కోరగా, నీటి వాటాలు తేల్చేవరకు కీలకమైన నిర్ణయాలు
ఏవీ తీసుకోవద్దని తెలంగాణ అధికారులు సూచించారు. పోతిరెడ్డిపాడు ద్వారా ఆంధ్రప్రదేశ్ ఎక్కువ నీటిని వాడుకుంటుందని తెలంగాణ ఆరోపించగా, శ్రీశైలం ఎడమగట్టు ద్వారా తెలంగాణ ఇప్పటికే ఎక్కువ నీటిని వాడుకుందని ఆంధ్రప్రదేశ్ అధికారులు ఆరోపించారు. ఇరు రాష్ట్రాల వాదనలు ఎప్పటికీ ఇలాగే ఉంటాయని, నీటి వాటాలు తేలితే తప్ప దీనికి పరిష్కారం లభించదన్న ఏకాభిప్రాయాన్ని వ్యక్తం చేసాయి. అలాగే వచ్చే ఏడాదైనా టెలిమెట్రీలు ఏర్పాటు చేయాలని ఇరు రాష్ట్రాలు కోరాయి. వచ్చే ఏడాది కృష్ణాలో నీటి వాటాలు తేల్చేందుకు ఇప్పటికే ఏర్పాటు చేసిన త్రిసభ్య కమిటీ సమావేశం కావాలని నిర్ణయించి సమావేశాన్ని వాయిదా వేశారు.
చిత్రం..హైదరాబాద్‌లోని జలసౌధలో మంగళవారం సమావేశమైన కృష్ణానదీ యాజమాన్య బోర్డు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.