రాష్ట్రీయం
ఓటుకు నోటులో ఇరుక్కున్నా.. బాబుకు బుద్ధిరాలేదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 16: కాంగ్రెస్ నాయకుల అవినీతిపై పక్కా ఆధారాలున్నా తాము ఇప్పటి వరకు ఎవర్ని ఏమనే్లదని, ఈసారి తిరిగి అధికారంలోకి వచ్చాక మాత్రం ఎవర్ని వదిలిపెట్టేది లేదని ముఖ్యమంత్రి కల్వకుంట్ల చంద్రశేఖర్‌రావు హెచ్చరించారు. ఓటుకు నోటు కేసుల్లో ఇరుక్కున్నా చంద్రబాబుకు బుద్ధి రాలేదని ఆగ్రహం వ్యక్తం చేసారు. తెలంగాణ భవన్‌లో మంగళవారం కేసీఆర్ మీడియా సమావేశంలో మాట్లాడుతూ, ‘నీకు దున్నుకోవడానికి పొలం లేదా? ఇక్కడికొచ్చి దున్నుతావా’ అని మండిపడ్డారు. తెలంగాణలో ఉన్న ఆంధ్రబిడ్డలు తాము ఇక్కడి వారమేనన్న భావన పెంచుకోవాలన్నారు. తెలంగాణ ఉద్యమ సమయంలో రాష్ట్రం వస్తే ఆంధ్రవాళ్లకు ఏమో అవుతుందన్న లేనిపోని దుష్ప్రచారం జరిగింది, మరీ రాష్ట్రం వచ్చాక ఏమైనా జరిగిందా? అని కేసీఆర్ ప్రశ్నించారు. చంద్రబాబు నాయుడు వంటి వారి వల్లనే సమస్యలు వస్తున్నాయన్నారు. తెలంగాణలో ఉన్న ఆంధ్రవాళ్లకు చంద్రబాబు శనిలా దాపురించారన్నారు. టీడీపీ హయాంలో హైదరాబాద్‌లో చిటికి మాటికి కర్ఫ్యూలు ఉండేవన్నారు. తాము అధికారంలోకి వచ్చాక అలాంటి పరిస్థితి ఉందా? అని ప్రశ్నించారు. రాహుల్ గాంధీ ఎన్నికల ప్రచారానికి వస్తే ఏమో అయిపోతుందన్నట్టుగా మాట్లాడుతున్నారన్నారు. ముందస్తు ఎన్నికలకు వెళ్లినప్పుడు ఎవరు ప్రచారానికి వస్తారో తెలియకుండానే నిర్ణయం తీసుకున్నామా అని ప్రశ్నించారు. ‘ఈ కేసీఆర్ గట్స్ ఉన్నోడు’ ఎవరికి భయపడరన్నారు. వంద సీట్లు గెవలడం కాదు, వంద ఆరు, వంద ఏడు సీట్లు గెలుచుకోవాలని టార్గెట్ పెట్టుకున్నామన్నారు. నూటికి నూరుపాళ్లు తిరిగి అధికారంలోకి వచ్చేది తామేనని ఇందులో ఎలాంటి సందేహం లేదన్నారు. డిసెంబర్‌లో చూస్తారు కదా ఎవడెవడు గడ్డం గీసుకుంటాడో, గుండ్లు చేయించుకుంటారోనని కేసీఆర్ ఎద్దేవా చేసారు.
రాములు నాయకే కాదు, పార్టీ వ్యతిరేక కార్యకలాపాలకు పాల్పడితే ఎవర్ని సహించేది లేదని కేసీఆర్ హెచ్చరించారు.
చిత్రం..తెలంగాణ భవన్‌లో మీడియా సమావేశంలో మాట్లాడుతున్న కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.