రాష్ట్రీయం
‘పోలవరం’ నిర్మాణంలో మరుగునపడిన కీలక పనులు!
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం: పోలవరం ప్రాజెక్టు హెడ్ వర్క్సులో భాగంగా డిజైన్ చేసిన కొన్ని కీలకమైన పనుల ప్యాకేజీలు మరుగున పడ్డాయి. నేవిగేషన్ చానల్స్, ట్విన్ టనె్నల్స్ సకాలంలో పూర్తయితేనే లక్ష్యం మేరకు నీరందించడానికి అవకాశంవుంది. ఎంతసేపూ స్పిల్, స్పిల్ ఛానల్, గేట్లు, కాఫర్ డ్యామ్‌లే తప్ప అనుబంధ ట్విన్ ఛానల్స్, నేవిగేషన్ లాక్స్, నేవిగేషన్ ఛానల్స్ పనులను మర్చిపోయారు. ఈ ప్యాకేజీల్లో కొన్ని రీటెండర్లు పిలిచారు. అవి ఎంతవరకు మొదలయ్యాయో కూడా తెలియని గందరగోళం నెలకొంది. వాస్తవానికి హెడ్ వర్క్సులో ప్రధానమైన పనులకుతోడు నేవిగేషన్ చానల్స్, నేవిగేషన్ లాక్‌లు, ట్విన్ చానల్స్ పనులు పూర్తయితే తప్ప లక్ష్యం మేరకు 2019 నాటికి నీరందించలేని పరిస్థితి.
పోలవరం ప్రాజెక్టు హెడ్ వర్క్సులో ప్యాకేజీ 67లో ఎడమ వైపు కనెక్టవిటీల్లో మూడు నేవిగేషన్ లాక్‌లు, నేవిగేషన్ కెనాల్, కెనాల్ సైఫాన్ పనులు చేపట్టారు. దీనికి అదనపు పనిగా ఫ్లడ్ గేట్ నిర్మాణం, దిగువ వరద గట్టుకు అనుసంధానంగా మూడవ లాక్ నిర్మాణ పనులు నిర్ధేశించారు. ఈ పనులను రెండేళ్ల కాలపరిమితిలో పూర్తిచేసే ఒప్పందంతో రూ.86.79 కోట్ల అంచనా విలువతో ప్రాథమికంగా పనులు చేపట్టారు. జాయింట్ వెంచర్‌లో హైదరాబాద్ యల్లారెడ్డిగూడాకు చెందిన సంస్థ ఈ పనులు చేపట్టింది. అయితే ఈ పనులు 96 శాతం వరకు పూర్తయినట్టు చూపించారు. గత మార్చి నాటికి దాదాపు రూ.80 కోట్ల విలువైన పనులు పూర్తిచేసినట్టు చెప్తున్నారు. ఈ పనులకు అనుబంధంగా ఉన్న ట్విన్ ఛానల్స్ పనులు మాత్రం అంతంత మాత్రంగానే పూర్తయ్యాయి. కుడి, ఎడమ గట్ల వైపు నిర్మిస్తున్న ఈ ట్విన్ ఛానల్స్ పనులు కేవలం 35 నుంచి 40 శాతం వరకే పూర్తయ్యాయి. ఈ పనులు పూర్తయితే తప్ప కనెక్టవిటీలు పూర్తయినట్టు కాదు. ఈ మొత్తం పనులు సకాలంలో పూర్తయితేనే 2019 నాటికి లక్ష్యం మేరకు నీటి సరఫరా జరగనుంది. మొత్తంగా హెడ్ వర్క్సు పనులన్నీ పూర్తయినప్పటికీ హైవే క్రాసింగ్ వంతెనలు పూర్తికాకుండా ఎడమ కాలువ నీటిని విశాఖ వరకు తీసుకెళ్ళే అవకాశం కన్పించడంలేదు. ఈ పనులు నత్తనడకన సాగుతున్నాయి. ఈ పనులపై ప్రత్యేక దృష్టి కేంద్రీకరించాల్సివుందని నిపుణులు పేర్కొంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.