రాష్ట్రీయం
12నుంచి కేసీఆర్ ప్రచార భేరీ!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 8: టీఆర్‌ఎస్ అధినేత, ముఖ్యమంత్రి కేసీఆర్ ఎన్నికల ప్రచార సభలు ఈ నెల 12న ప్రారంభించే అవకాశం ఉన్నట్టు ఆ పార్టీ వర్గాల సమాచారం. అయితే ఈ ముహుర్తం కూటమి అభ్యర్థుల జాబితా, మేనిఫెస్టో విడుదల కాకుంటే మాత్రం ఒకటి, రెండు రోజులు అటు ఇటుగా ఆలస్యమయ్యే అవకాశం లేకపోలేదని తాజా సమాచారం. ఈ నెల 12న ఎన్నికల నోటిఫికేషన్ విడుదల కానుండటంతో అప్పటి వరకు కూటమి జాబితా, మేనిఫెస్టో విడుదల కాకపోయినా ప్రచారానికి శ్రీకారం చుట్టాలని కేసీఆర్ భావిస్తున్నట్టు తెలిసింది. ఎన్నికల షెడ్యూల్ ప్రకారం డిసెంబర్ 5న సాయంత్రం ఐదు గంటలకు ప్రచారం ముగింపునకు గడువు. ఎన్నికల నోటిఫికేషన్, ప్రచార గడువుకు మధ్య 23 రోజుల వ్యవధి మాత్రమే ఉండటంతో మధ్యలో మూడు రోజుల విరామం తీసుకున్నా 20 రోజలపాటు నిర్విరామంగా ప్రచారాన్ని నిర్వహించేలా కార్యాచరణ సిద్ధం చేసుకున్నట్టు తెలిసింది. రోజుకు మూడు లేక నాలుగు నియోజకవర్గాల్లో ప్రచారం
నిర్వహించినా 60 నుంచి 70 సభలు జరుగుతాయని అంచన వేస్తున్నారు. ఎంఐఎం పోటీ చేసే 7 స్థానాలు, గ్రేటర్ హైదరాబాద్ పరిధిలోని 24 స్థానాలు, తొలి విడతలో నిర్వహించిన నియోజకవర్గాలను మినహాయిస్తే 60 నుంచి 65 సభల కంటే ఎక్కువ కాకపోవచ్చని అంచనా వేస్తోంది. ఎప్పటికప్పుడు తెప్పించుకుంటున్న సర్వే నివేదికల ఆధారంగా కచ్చితంగా గెలిచే నియోజకవర్గాలలో సభలు అవసరం లేదని భావిస్తున్నారు. గ్రేటర్ హైదరాబాద్ పరిధిలో 24 నియోజకవర్గాలు ఉన్నాయి. వీటన్నింటికీ కలిపి ఒకే చోట భారీ బహిరంగ సభ నిర్వహిస్తే ఎలా ఉంటుందని పార్టీ ముఖ్యులతో కేసీఆర్ చర్చించినట్టు సమాచారం. ప్రచార గడువు ముగియడానికి రెండు రోజుల ముందు జంట నగరాల్లో రోడ్ షో నిర్వహిస్తే సరిపోతుందని పార్టీ నేతలు కొందరు సూచించగా, మరి కొందరు అన్ని నియోజకవర్గాలకు కలిపి కొంగర కలాన్ మాదిరిగా భారీ సభ నిర్వహిస్తే సరిపోతుందని సూచించినట్టు తెలిసింది. ఒకే చోట భారీ సభ నిర్వహించడం వల్ల సమయం కలిసి వస్తుందని, అలాగే ఇది రాష్ట్రం మొత్తాన్ని ప్రభావితం చేస్తుందని కేసీఆర్ అభిప్రాయపడినట్టు సమాచారం. గ్రేటర్ హైదరాబాద్‌లో మాత్రం డిసెంబర్ 3,4,5 తేదీలలో మాత్రమే సభలను నిర్వహించాలని, ఆ లోగా ఈ నెలాఖరులోగా కనీసం 60 చోట్ల అయినా సభలు నిర్వహించాలని తాజాగా నిర్ణయించినట్టు పార్టీ వర్గాల సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.