రాష్ట్రీయం
కపిలవాయికి కన్నీటి వీడ్కోలు
S ,7 à 8 RSCA (si SASPAS) et 6 cialis pharmacie cialis rapports de stage.
నాగర్‌కర్నూల్, నవంబర్ 8: ప్రముఖ కవి, సాహితీవేత్త, శతాధిక గ్రంథకర్త కపిలవాయి లింగమూర్తి (90) అంత్యక్రియలు అశ్రునయనాల మధ్య గురువారం జరిగాయ. అభిమానులు, పలువురు ప్రజాప్రతినిధుల తెలంగాణలోని నాగర్‌కర్నూల్ హిందూ శ్మశానవాటికకు తరలివచ్చారు. హైదరాబాద్‌లోని ఓ ప్రైవేట్ ఆస్పత్రిలో మంగళవారం కన్నుమూయగా, అదేరోజు రాత్రి నాగర్‌కర్నూల్ పట్టణంలోని ఆయన స్వగృహానికి పార్థివదేహాన్ని తరలించారు. బుధవారం పార్థివదేహాన్ని రాష్ట్ర ప్రణాళిక సంఘం ఉపాధ్యక్షుడు సింగిరెడ్డి నిరంజన్‌రెడ్డి, రాష్ట్ర సంగీత, నాట్య అకాడమి చైర్మన్ బద్మి శివకుమార్ సందర్శించారు. గురువారం రాష్ట్ర పంచాయతీరాజ్ శాఖ మంత్రి జూపల్లి కృష్ణారావు, మాజీ మంత్రులు నాగం జనార్ధన్‌రెడ్డి, పి. రాములు, మాజీ ఎమ్మెల్యేలు మర్రి జనార్దన్‌రెడ్డి, గువ్వల బాలరాజు, కవి గొరటివెంకన్న, బీజేపీ అభ్యర్థి దిలీపాచారి, ఎస్సీ, ఎస్టీ, బీసీ, మైనార్టీ ఫోరం రాష్ట్ర అధ్యక్షుడు జెట్టి ధర్మరాజుతోపాటు పలువురు ప్రముఖులు శ్రద్దాంజలి ఘటించారు. పాలమూరు అధ్యాయన వేదిక కన్వీనర్ రాఘవచారి, తెలంగాణ మహిళా అధ్యాయన వేదిక కన్వీనర్ విమల, వివిధ రంగాలకు చెందిన రమేష్‌బాబు, వనటప్ల సుబ్బయ్య, దినకర్‌రావు, పాండు, భాస్కర్‌రావు, బిల్లకంటి వేంకటేశ్వరరావు, వెంకటేశ్వరశర్మ, రంగాచార్యులు, భూదాన్ సుబ్బారావు, రుక్మారెడ్డి, తదితరులు ఉన్నారు. కపిలవాయి అంతిమయాత్ర సందర్భంగా తెలంగాణ తాజా మాజీ ఎమ్మెల్యే మర్రి జనార్ధన్‌రెడ్డి కొద్దిదూరం పాడేమోసి ఆయనపై ఉన్న అభిమానాన్ని చాటుకున్నారు. హిందూ శ్మశాన వాటికలో ఆయన చిన్న కుమారుడు అశోక్‌బాబు ఆయన చితికి నిప్పంటించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.