రాష్ట్రీయం
‘గజ’గజ
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: మధ్య బంగాళాఖాతం ఆనుకుని ఉన్న ఆగ్నేయ బంగాళాఖాతంలో ఏర్పడిన తీవ్ర వాయుగుండం ఆదివారం మధ్యాహ్నానికి తుపానుగా మారిందని విశాఖ వాతావరణ కేంద్రం అధికారులు ఆదివారం రాత్రి తెలిపారు. తుపానుకు ‘గజ’ అని నామకరణం చేశారు. ఈ తుపాను ఆదివారం సాయంత్రానికి తమిళనాడుకు తూర్పు ఈశాన్య దిశగా 840 కిమీ దూరంలోను, నాగపట్నం నుంచి 880 కిమీ దూరంలోను కేంద్రీకృతమై ఉంది. ఇది క్రమంగా మరింత బలపడి తీవ్ర తుపానుగా వచ్చే 24 గంటల్లో పశ్చిమ వాయువ్య దిశగా పయనిస్తూ, అనంతరం స్వల్పంగా దిశ మార్చుకుని పశ్చిమ దిశగా కదులుతూ తదుపరి 48 గంటల్లో బలహీన పడుతుందన్నారు. నెమ్మదిగా తమిళనాడు తీరానికి చేరుకుని నాగపట్నం - చెన్నై మధ్య ఈ నెల 15వ తేదీన తీరం దాటుతుందని పేర్కొన్నారు. ‘గజ’ తుపాను ప్రభావం ఎక్కువగా తమిళనాడుపై ఉంటుందని, దక్షిణ కోస్తాలో కూడా స్వల్ప ప్రభావం చూపిస్తుందన్నారు. అయితే తీరం వెంబడి గాలులు
బలంగా వీస్తాయన్నారు. ఆదివారం నుంచి తీరం వెంబడి ఈశాన్య దిశ నుంచి గంటకు 35 నుంచి 40 కిమీ వేగంతో గాలులు వీస్తాయని, ఇదే సందర్భంలో సముద్రం కాస్త కల్లోలంగా ఉంటుందని తెలిపారు. తదుపరి 48 గంటల్లో గాలుల తీవ్రత మరింత పెరుగుతుందని, గంటకు 65 నుంచి 75 కిమీ గరిష్ట వేగంతో గాలులు వీస్తాయన్నారు. సముద్రం కూడా మరింత అలజడిగా ఉంటుందన్నారు. మత్స్యకారులు సముద్రంలో వేటకువెళ్లరాదని, ఇప్పటికే వేటకు వెళ్లిన మత్స్యకారులు తిరిగి రావాలని హెచ్చరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.