రాష్ట్రీయం
తుది దశకు కూటమి చర్చలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 11: మహా (ప్రజా) కూటమి చర్చలు తుది దశకు వచ్చాయి. ముందుగా అనుకున్నట్లు టీడీపీకి 14 సీట్లు దక్కాయి. కాగా టీజేఎస్, సీపీఐకి కేటాయించే సీట్ల విషయంలో ఇంకా స్పష్టత రాలేదు. దీంతో టీ.పీసీసీ అధ్యక్షుడు ఉత్తమ్‌కుమార్ రెడ్డి, తెలంగాణ టీడీపీ అధ్యక్షుడు ఎల్. రమణను వెంట తీసుకుని హుటాహుటిన టీజేఎస్ కార్యాలయానికి చేరుకుని టీజేఎస్ అధ్యక్షుడు ప్రొ. కోదండరామ్‌తో చర్చలు జరిపారు. ఈ చర్చలు ఫలప్రదమయ్యాయని నాయకులు చెబుతున్నప్పటికీ, జనగామ స్థానం విషయంలో ఏకాభిప్రాయం కుదరలేదు. రెండు స్థానాల్లో స్నేహపూర్వక పోటీ చేసుకోవాలని భావించినట్లు నాయకులు చెబుతున్నారు.
టీజేఎస్ పోటీ చేసే స్థానాలు
మెదక్, దుబ్బాక, మల్కాజిగిరి, జనగామ, వర్దన్నపేట, వరంగల్ తూర్పు, సిద్దిపేట, మిర్యాలగూడ, రామగుండం. అయితే జనగామ నుంచి పీసీసీ మాజీ అధ్యక్షుడు పొన్నాల లక్ష్మయ్య పోటీ చేస్తారని కాంగ్రెస్ నాయకులంతా భావిస్తుండగా, ఆ సీటు విషయంలో టీజేఎస్ పట్టుపట్టింది. దీంతో కాంగ్రెస్ ఒక షరతు విధించినట్లు సమాచారం. జనగామ నుంచి ప్రొఫెసర్ కోదండరామ్ పోటీ చేస్తేనే ఆ సీటు ఇస్తామని చెప్పినట్లు తెలిసింది.
స్నేహపూర్వక పోటీలు
ఇలాఉండగా అసిఫాబాద్, స్టేషన్ ఘన్‌పూర్‌లో కాంగ్రెస్, టీజేఎస్ అభ్యర్థులు తమ పార్టీ గుర్తులతో స్నేహపూర్వక పోటీ చేయనున్నారు.
సీపీఐ పోటీ చేసే స్థానాలు..
ఇలాఉండగా సీపీఐకి హుస్నాబాద్, వైరా, బెల్లంపల్లి స్థానాలు కేటాయించగా, ఆ పార్టీ కొత్తగూడెం, మునుగోడు స్థానాల్లో కూడా పోటీ చేయనున్నట్లు ప్రకటించింది. దీంతో కాంగ్రెస్ రాష్ట్ర నాయకత్వం కంగుతిన్నది. వెంటనే ఏఐసీసీ కార్యదర్శి శ్రీనివాసన్ టీ.పీసీసీ కోశాధికారి గూడూరు నారాయణ రెడ్డితో కలిసి సీపీఐ కార్యాలయానికి చేరుకుని ఆ పార్టీ రాష్ట్ర కార్యదర్శి చాడ వెంకటరెడ్డితో మంతనాలు జరిపారు. కాగా తమకు ఐదు స్థానాలు కావాల్సిందేనని సీపీఐ నేతలు భీష్మించుకుని కూర్చున్నట్లు కాంగ్రెస్ నేతలు చెబుతున్నారు. సోమవారం ఉదయం మరోసారి ఉత్తమ్‌కుమార్ రెడ్డి టీజేఎస్, సీపీఐ నేతలతో చర్చించనున్నారు.
నోటిఫికేషన్‌కు ముందే..
ఇలాఉండగా ఉత్తమ్‌కుమార్ రెడ్డి మీడియాతో మాట్లాడుతూ చర్చల్లో ఇబ్బందులు ఏమీ లేవని, కూటమిగానే పోటీ చేస్తామన్నారు. ఇప్పుడు పోటీ చేసేందుకు అవకాశం దక్కని పార్టీ నాయకులకు అధికారంలోకి రాగానే సరైన గుర్తింపునిస్తామని ఆయన తెలిపారు. నోటిఫికేషన్ జారీ కావడానికి ముందే ఏ పార్టీ ఏయే స్థానాల్లో పోటీ చేస్తుందో వెల్లడిస్తామని ఉత్తమ్ చెప్పారు.
చిత్రం..టీజేఎస్ కార్యాలయంలో మాట్లాడుతున్న ఉత్తమ్. చిత్రంలో కోదండరామ్, రమణ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.