రాష్ట్రీయం
మావోల రెక్కీతో కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
* విరసం నేత వరవరరావుపై నిఘా పెంచిన పోలీసులు * భూపాల్‌పల్లి నియోజకవర్గంలో నక్సల్స్ పోస్టర్లు
* స్పీకర్ మధుసూదనాచారికి భద్రత పెంపు
హైదరాబాద్, నవంబర్ 15: తెలంగాణ దండకారణ్యంలో మావోయిస్టుల కలకలం మొదలైంది. ఉత్తర తెలంగాణ జిల్లాల్లో పరిస్థితులు క్షణక్షణం భయం భయంగా ఉన్నాయి. ఎన్నికలు పోలీసులు, మావోయిస్టుల మధ్యా అన్నట్టు ఉన్నాయి. ఎన్నికల ప్రచారం, పోలింగ్ నిర్వహణపై సర్వత్రా ఉత్కంఠ నెలకొంది. ఏపీలోని ఉత్తరాంధ్రాలో మావోయిస్టుల చేతిలో హత్యకు గురైన ఎమ్మెల్యే కిడారి సర్వేశ్వరరావు, మాజీ ఎమ్మెల్యే సోమల సంఘటనలు గుర్తుచేసుకుంటున్నారు. కాగా మావోల కేంద్ర నాయకత్వానికి తెలంగాణకు నేతలు నేతృత్వం వహిస్తున్నందన పోలీసులు ఓ అంచనాకు రాలేకపోతున్నారు. గురువారం జరిగిన మావోల అలజడిపై రాష్ట్ర పోలీస్ ఉన్నతాధికారులు అత్యవసర భేటీ అయ్యారు. వరంగల్ పరిస్థితులను అంచనా వేస్తున్నారు. తెలంగాణలో మావోల కదలికలపై కేంద్ర ఎన్నికల సంఘానికి సమాచారం అందించారు. ఈ నేపథ్యంలో ములుగు టీఆర్‌ఎస్ అభ్యర్థి చందూలాల్ గురువారం ఆకస్మికంగా తన ఎన్నికల ప్రచారాన్ని రద్దు చేసుకున్నారు. తాడ్వాయి మండల టీఆర్‌ఎస్ నేత శ్రీనివాసరెడ్డిని హత్య చేసేందుకు మావోలు ఏకంగా రెక్కీ నిర్వహించారంటే పరిస్థితి తీవ్రతను అర్థం చేసుకోవచ్చు. గురువారం ఉదయం నుంచి శ్రీనివాస్‌రెడ్డి అజ్ఞాతంలోకి వెళ్ళినట్లు సమాచారం. శ్రీనివాసరెడ్డి కోసం పోలీసులు ఎంత ప్రయత్నించినా ఆచూకీ దొరకలేదు. భూపాలపల్లిలో మాజీ స్పీకర్ మధుసూదనాచారికి భద్రతను మరింత పెంచారు. చత్తీస్‌గఢ్ నుంచి మావోలు మైదాన ప్రాంతంలోకి వచ్చారన్న సమాచారంతో ఎన్నికల అధికారులు ఆందోళనకు గురవుతున్నారు. వారి పరిస్థితి ముందు నుయ్యి వెనక గొయ్యి అన్న చందంగా ఉంది. ఎన్నికల నిర్వహణ వారికి కత్తిమీద సామే. అలాగే విరసం నేత వరవరరావుపై నిఘా పెంచారు.
ఉమ్మడి వరంగల్ జిల్లాలో గురువారం మావోయిస్టుల పోస్టర్లు బయటపడడం చూస్తుంటే రాబోయే రోజుల్లో విధ్వంసక ఘటనలు జరగబోతున్నాయా? అన్న భయాందోళన వ్యక్తమవుతోంది. నక్సల్స్ కదలికలపై నిఘా వర్గాలు వైఫల్యం చెందాయన్న విమర్శలు బలపడుతున్నాయి. భూపాలపల్లి, ములుగు ప్రాంతల్లో మావోల యాక్షన్ టీమ్‌లు సంచరిస్తున్నాయన్న కథనాలు అధికారుల్లో, రాజకీయ పార్టీల్లో కలకలం సృష్టించాయి. ముఖ్యనేతల్ని హత్య చేయడానికి దాదాపు 35 మందితో మావో యాక్షన్ టీమ్‌లు పని చేస్తున్నాయని సమాచారం కంటిమీద కునుకులేకుండా చేస్తోంది. తాడ్వాయి, ఏటూరు నాగారం, గోవిందరావుపేట, మంగంపేట్ మండలాల్లో మావోల పోస్టర్లు వెలిశాయి. ఎన్నికలను బహిష్కరించాలన్న నక్సల్స్ పిలుపుతో గిరిజనులు భయాందోళన చెందుతున్నారు. మరోపక్క భూపాలపల్లి నియోజకవర్గంలో దట్టమైన అటవీ ప్రాంతం ఉన్నందున మావోలు అక్కడే మకాం వేసిఉంటారని పోలీసులు అనుమానిస్తున్నారు. ఆ ప్రాంతానికి కూంబింగ్ టీమ్‌లను పోలీసులు తరలిస్తున్నారు. మావోల ఆచూకీ కోసం డ్రోన్‌లు వినియోగించడం తప్పా మరొక మార్గం లేదన్న అభిప్రాయం అధికారుల్లో ఉంది. మావో సానుభూతిపరుల్ని పోలీసులు అదుపులోకి తీసుకుని విచారిస్తున్నారు. ఉమ్మడి వరంగల్ జిల్లాలో వచ్చే అన్ని రహదార్లపై తనిఖీలు ముమ్మరం చేశారు. గ్రామీణ రహదారులపై మందుపాతర్ల ఏమైనా ఉన్నాయా అన్న కోణంలో బాంబ్‌స్క్వాడ్‌లను రంగంలోకి దించారు. భూపాలపల్లి, ములుగు ప్రాంతలకు వెళ్లే బందోబస్తు వాహనాలకు కోడ్ నెంబర్లు ఉంటే తప్ప పంపవద్దని పోలీసులు అధికారులు హెచ్చరిస్తున్నారు. ఆర్‌టీసీ బస్సులను రాత్రి 7 గంటలకే ఆయా డిపోలకు వచ్చే విధంగా ఆదేశాలు ఇవ్వనున్నట్టు సమాచారం.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.